ការប្រកួតនៅលីគកំពូលអឺរ៉ុប នឹងឈានមកដល់ទីបញ្ចប់ត្រឹមចុងខែឧសភា ដោយនៅលីគខ្លះក៏អាចនឹងបិទរដូវកាលនៅចុងសប្ដាហ៍នេះ ហើយខ្លះទៀតរំលងទៅដល់សប្ដាហ៍ក្រោយ។
យ៉ាងណាកៅអីទាំង ២៦ ក្នុងចំណោមកៅអីទាំង ៣២ នៃវគ្គចែកពូល UFEA Champions League ក៏បានសម្រេចរកឃើញឈ្មោះក្រុមចំនួន ១៧ រួចស្រេចហើយ។ ជាការពិតនៅលីគកំពូលអង់គ្លេស, អ៊ីតាលី, អេស្ប៉ាញនិងអាល្លឺម៉ង់ គឺ UEFA ផ្តល់ឲ្យ ៤ កៅអី នៅបារាំងនិងព័រទុយហ្គាល់ ២ កៅអី ហើយនៅរុស្ស៊ី បែលហ្សិក អ៊ុយក្រែននិងហូឡង់ ១ កៅអី ខណៈ ២ កៅអីផ្សេងទៀតសម្រាប់ក្រុមឈ្នះជើងឯក Europa League ក៏ដូចជា Champions League នារដូវកាលចាស់។
ដោយឡែកចំពោះកៅអីដែលនៅសេសសល់ គឺ UEFA ទុកសម្រាប់ការប្រកួតប្រជែងនូវក្រុមក្នុងតំបន់អឺរ៉ុបដទៃទៀត នៅវគ្គ Play-off។
ខាងក្រោមយើងបង្ហាញពីឈ្មោះក្រុមទាំង ១៧ ដែលធានាកៅអីលេង UCL រដូវកាល ២០២១/២២៖
លីគអង់គ្លេស: Man City និង Man Utd ខណៈក្រុម ២ ផ្សេងទៀតអាចជារវាង Leicester City, Chelsea ឬក៏ Liverpool
លីគអេស្ប៉ាញ: At Madrid, Real Madrid, Barcelona និង Sevilla
លីគអាល្លឺម៉ង់: Bayern Munich, RB Leipzig, Borussia Dortmund និង Wolfsburg
លីគព័រទុយហ្គាល់: Sporting CP និង Porto
លីគបារាំង: ក្រុមលេខ ១&២ អាចជា Lille, PSG ឬក៏ Monaco
លីគអ៊ីតាលី: Inter Milan, Atalanta ខណៈក្រុម ២ ផ្សេងទៀតអាចជា AC Milan, Juventus ឬក៏ Napoli
លីគបែលហ្សិក: អាចជារវាងក្រុម Club Brugge ឬ Genk
លីគរុស្ស៊ី: Zenit Saint Petersburg
លីគអ៊ុយក្រែន: Dynamo Kyiv
លីគហូឡង់: Ajax
ក្រុមឈ្នះជើងឯក UCL: អាចជារវាងក្រុម Man City ឬ Chelseas
ក្រុមឈ្នះជើងឯក UEL: អាចជារវាងក្រុម Man Utd ឬ Villarreal
មានសំណួរចាក់ដោតមួយសួរថា តើការដែលនឹងមានក្លឹបអង់គ្លេសមួយអាចឈ្នះពានរង្វាន់ UCL នៅពេលខាងមុខ អ៊ីចឹង UEFA នឹងបន្ថែម ៥ កៅអីសម្រាប់លីគអង់គ្លេសឬយ៉ាងណានៅការប្រកួតរដូវកាលក្រោយ?
ចម្លើយគឺ៖ លុះត្រាតែក្រុមដែលឈ្នះជើងឯក UCL ស្ថិតនៅក្រៅចំណាត់ថ្នាក់ Top 4 នៅក្របខ័ណ្ឌ Premier League។ បែបនេះក្នុងករណីដែល Man City ឈ្នះ គឺនៅលីគអង់គ្លេសរក្សា ៤ កៅអីដដែល តែបើករណី Chelsea ឈ្នះ ហើយគាប់ជួនដែលពួកគេបញ្ចប់រដូវកាលឈរនៅលេខ ៥ នោះក្លឹបអង់គ្លេសដែលមានសិទ្ធលេង UCL រដូវកាលក្រោយ នឹងឡើងដល់ ៥ ក្រុម ដោយរួមមាន City/United/Leicester/Liverpool និង Chelsea។
កាលបរិច្ឆេទប្រកួតវគ្គជម្រុះបឋមគឺចាប់ផ្តើមនៅថ្ងៃទី ២២ មិថុនា ខណៈការប្រកួតវគ្គ Play-Offs សម្រេចយកកៅអីដល់ក្រុមដែលសេសសល់ គឺធ្វើឡើងនៅថ្ងៃទី ១៧ សីហា។ ដោយឡែកការចាប់ឆ្នោតវគ្គចែកពូល ឬវគ្គ ៣២ ក្រុម គឺធ្វើឡើងនៅថ្ងៃទី ២៦ សីហា ហើយការប្រកួតលេងចាប់ពីថ្ងៃទី ១៤ កញ្ញា ដល់ ៨ ធ្នូ ឆ្នាំ ២០២១។
ដោយឡែកចំពោះកីឡដ្ឋានប្រកួតវគ្គផ្ដាច់ព្រ័ត្រ UCL រដូវកាល ២០២១/២២ គឺ UEFA កំណត់យកនៅឯកីឡដ្ឋាន Krestovsky Stadium ក្នុងទីក្រុង Saint Petersburg ប្រទេសរុស្ស៊ី។ គ្រប់ព្រឹត្តិការណ៍ផ្សាយផ្ទាល់ទាំងអស់ នឹងមានចែករំលែកការផ្សាយលើទំព័រ CTS Sports៕
ប្រភព៖ Wikipedia