Alisson Becker បានធ្វើឲ្យអ្នកគាំទ្របាល់ទាត់ មានការភ្ញាក់ផ្អើលជាខ្លាំង តាមរយៈការតែតបាល់យក ៣ ពិន្ទុឲ្យ Liverpoolពេលប៉ះ West Bromនៅចុងម៉ោងកាលពីចុងសប្ដាហ៍។
ពាក់ព័ន្ធនឹងគ្រាប់បាល់នេះដែរ ក៏មានប្រិយមិត្តជាច្រើនបានចោទសួរមកកាន់ CTS Sports ថាតើកន្លងមក ធ្លាប់មានអ្នកចាំទីណាអាចរកបានគ្រាប់បាល់ដូច Alisson ឬអត់? បើតាមការស្រាវជ្រាវបានបង្ហាញថា ចាប់តាំងពីការបង្កើត Premier League នៅឆ្នាំ ១៩៩២ ឬឆ្លងកាត់រយៈពេល ២៩ ឆ្នាំមកនេះ គឺមានអ្នកចាំទី ៦ រូបហើយដែលអាចរកបានគ្រាប់បាល់។ ក្នុងនោះយើងបង្ហាញដូចខាងក្រោម៖
៦) Peter Schmeichel នៅថ្ងៃទី ២០ តុលា ឆ្នាំ ២០០១
កាលពីជិត ២០ ឆ្នាំមុន នៅឯជំនួប Aston Villa បរាជ័យក្រោមថ្វីជើងរបស់ Everton ១-៣ វាបានក្លាយជាលើកដំបូងនៅ Premier League ដែលមានអ្នកចាំទីអាចរកបានគ្រាប់បាល់។
ពេលនោះគឺ Schmeichel បានឡើងមកចាំតែតបាល់ជ្រុង ដែលលើកពីមិត្តរួមក្រុម ហើយក្រោយបាល់ហោះមកក្នុងប្រអប់ក៏មានការប្រជែងគ្នាតែត ពីសំណាក់កីឡាករក្រុមទាំងពីរ រហូតនាំឲ្យបាល់ធ្លាក់មកដល់ជើងអ្នកចាំទី Aston Villa ល្មមម៉ាកាប់ពាក់កណ្តាល Volley បញ្ចប់ទីយ៉ាងស្អាត។
Remember when Peter Schmeichel scored this volley for Aston Villa?pic.twitter.com/zJILkWH8Hf
— 90s Football (@90sfootball) August 27, 2018
៥) Brad Friedel នៅថ្ងៃទី ២១ កុម្ភៈ ឆ្នាំ ២០០៤
កំឡុងការប្រកួតរវាងក្លឹប Charlton Athletic និង Blackburn Rovers កាលពីជាង ១៧ ឆ្នាំមុន ពេលនោះលទ្ធផលគិតត្រឹមនាទី ៨៩ គឺ Charlton នាំមុខ ២-១ ហើយឱកាសនៃការលើកបាល់ជ្រុងរបស់ Blackburn អ្នកចាំទី Friedel ក៏សម្រេចឡើងមកជួយក្រុមដែរ ដោយដូចការរំពឹងទុកគេពិតជាអាចរកបានគ្រាប់បាល់ជួយឲ្យក្រុមតាមស្មើ ២-២ តែសោកស្ដាយត្រឹមតែប៉ុន្មាននាទីបន្ទាប់ខាង Charlton ក៏បន្ថែមគ្រាប់បាល់ទី ៣ យកជ័យជម្នះទាល់តែបាន។
The episode of #OnThisDay from 2004 when Brad Friedel scores an 89th minute equaliser & still ends up on the losing side 😲 pic.twitter.com/DoNMC13l29
— Premier League (@premierleague) February 21, 2019
៤) Paul Robinson នៅថ្ងៃទី ១៧ មិនា ឆ្នាំ ២០០៧
នៅជំនួបទល់ Tottenham និង Watford អ្នកចាំទីរបស់មាន់ខ្នាយមាសគឺ Robinson បានបង្កើតរឿងដ៏ភ្ញាក់ផ្អើល គឺគេអាចរកគ្រាប់បាល់ពីការស៊ុត Free-Kick នៅចម្ងាយ ៨៧ ម៉ែត្រ។ តាមពិតទៅគេគ្មានចេតនាគិតថានឹងអាចរកបានគ្រាប់បាល់នោះទេ ដោយត្រឹមតែចង់លើកបាល់ចូលក្នុងប្រអប់ តែដោយសារអ្នកចាំទី Ben Foster របស់ Watford មានការភ្លាត់ស្នៀត ទើបធ្វើឲ្យបាល់លោតចូលទីយ៉ាងស្រួល។
Not something you see every week…🤨#OnThisDay in 2007, Paul Robinson scored for Spurs against Watford! 🗓 pic.twitter.com/SvDsoAujd0
— Sky Sports Premier League (@SkySportsPL) March 17, 2020
៣) Tim Howard នៅថ្ងៃទី ៤ មករា ឆ្នាំ ២០១២
ស្រដៀងគ្នានឹងគ្រាប់បាល់របស់ Robinson ដែរ តែនេះកាន់តែអស្ចារ្យ គឺក្នុងជំនួប Everton ទល់ Bolton អ្នកចាំទី Howard បានលើកបាល់ពីប្រអប់ទីម្ខាងទៅប្រអប់ទីម្ខាង ចូលទីមិនគួរឲ្យជឿ។ បើយើងគិតចម្ងាយ មួយគ្រាប់នេះគឺប្រហែលជិត ៩០ ម៉ែត្រ។
Happy Birthday Tim Howard 🇺🇸
Is this the best ever goal scored by a goalkeeper?
— Art of Football (@Art_of_Football) March 6, 2020
២) Asmir Begovic នៅថ្ងៃទី ២ វិច្ឆិកា ឆ្នាំ ២០១៣
នៅការប្រកួតរវាង Stoke និង Southampton អ្នកចាំទី Begovic ក៏ស៊ុតបាល់ពីប្រអប់ទីម្ខាង ទៅប្រអប់ទីម្ខាងដូច Howard ធ្លាប់ធ្វើបានដែរ តែសារនេះគេបានជាប់ក្នុងសៀវភៅកំណត់ត្រាពិភពលោក Guiness World Records ដោយចម្ងាយគ្រាប់បាល់នេះ គឺ ៩១,៩ ម៉ែត្រ។
Just to remind you, Asmir Begovic once scored a PL goal from his own box 1⃣3⃣ seconds in the game.
The goal has been recognized as the longest in competitive football.
Obviously one of the most bizzare goals we've seen in the PL..#TBThursday
pic.twitter.com/k18l1RvePu— SportyBet (@SportyBet) February 13, 2020
១) Alisson Bekcer នៅថ្ងៃទី ១៦ ឧសភា ឆ្នាំ ២០២១
Football eh. 𝐁𝐞𝐚𝐮𝐭𝐢𝐟𝐮𝐥.
Experience 5 minutes 33 seconds of unbridled joy with every angle of @Alissonbecker's goal… pic.twitter.com/QlgWJQ9QcA
— Liverpool FC (@LFC) May 16, 2021
នេះជាគ្រាប់បាល់ចុងក្រោយគេបង្អស់របស់អ្នកចាំទីនៅ PL ក្រោយខកខានកើតមានអស់រយៈពេលជិត ៨ ឆ្នាំ។ វាក៏ជាគ្រាប់បាល់ទី ១ ក្នុងអាជីពជាអ្នកចាំទីរបស់ Alisson ដែរ ហើយក៏រំពឹងនឹងអាចជាចំណែកគ្រាប់បាល់ដ៏មានន័យ ដែលអាចស្រោចស្រង់ទាញឲ្យ Liverpool ចាប់យកកៅអី Top 4 នៅរដូវកាល ២០២០/២១៕
ប្រភព៖ GiveMeSports