ក្រុម PSG ឈ្នះ ស្របពេលក្រុម Lille បរាជ័យក្នុងការប្រកួតនៅយប់មិញនេះ បានធ្វើឱ្យការប្រកួតនៅលីគកំពូលបារាំងត្រូវរង់ចាំដល់ប្រកួតចុងក្រោយទើបរកជើងឯកឃើញ។
ក្រុមអ្នកមានបារាំង PSG បានយកឈ្នះលើក្រុម Reims ក្នុងលទ្ធផល ៤-០ ឯណោះសម្រាប់ការប្រកួតនៅយប់មិញនេះ។ ស្របពេលលទ្ធផលនេះដែរ ក៏ធ្វើឱ្យពួកគេបន្ដក្ដីសង្ឃឹមពានរង្វាន់លីគកំពូលបារាំងវិញដែរ ព្រោះក្រុមលេខ១ Lille លេងបានត្រឹមស្មើ Saint-Etienne ប៉ុណ្ណោះ។ ដូច្នេះហើយម្ចាស់ជើងឯកនឹងត្រូវកាត់ក្ដីនៅប្រកួតចុងក្រោយតែម្ដង។
គិតត្រឹមសប្ដាហ៍ទី៣៧នេះ PSG នៅលេខ២ មាន៧៩ពិន្ទុ ស្របពេលក្រុមលេខ១ Lille វិញមាន៨០ពិន្ទុ។ ប្រកួតចុងក្រោយក្រុម PSG ប៉ះជាមួយក្រុម Brest ស្របពេលក្រុម Lille វិញនឹងប៉ះជាមួយក្រុម Reims។ ការប្រកួតនឹងធ្វើឡើងនៅយប់ថ្ងៃ២៤ចុងខែនេះ៕
ប្រភព៖ Dailymail