ក្រុម FC Barcelona បានបរាជ័យក្រោមថ្វីជើងក្រុម Celta Vigo ក្នុងលទ្ធផល ២-១ សម្រាប់ការប្រកួតពានរង្វាន់ La Liga សប្ដាហ៍ទី៣៧។
បរាជ័យនេះក៏បានធ្វើឱ្យក្រុម Barcelona អស់ឱកាសប្រជែងពានរង្វាន់ទៀតដែរ ហើយក៏ធ្វើឱ្យកៅអីរបស់លោក Ronald Koeman អាចនឹងបាត់បង់ដូចគ្នា។ មួយវិញទៀត ការណ៍នេះក៏ទំនងជានឹងធ្វើឱ្យ Messi មិនព្រមបន្ដកុងត្រាថ្មីអ្វីទៀតដែរ។ ពោលគឺចប់រដូវកាលនេះ ទំនងជារូបគេអាចនឹងចាកចេញទៅហើយ។
ខ្សែការពារ Jordi Alba បាននិយាយក្រោយពីចប់ការប្រកួតថា៖ “យើងសង្ឃឹមថានេះមិនមែនជាប្រកួតចុងក្រោយរបស់ Messi នៅទឹកដី Camp Nou ទៅចុះ ប៉ុន្តែគ្រប់យ៉ាងគាត់ជាអ្នកសម្រេចចិត្តដោយខ្លួនឯង។ យើងនឹងទៅលេងប្រកួតចុងក្រោយបិទរដូវកាលនេះឱ្យបានល្អបំផុតទល់ក្រុម Eibar ”៕
ប្រភព៖Marca