Sterling ត្រូវដកចេញពីបញ្ជីជម្រើសជាតិអង់គ្លេសហើយ

ខ្សែ​បម្រើ Raheem Sterling ​ត្រូវ​ដក​ចេញ​ពី​បញ្ជី​ឈ្មោះ​ក្រុម​ជម្រើស​ជាតិ​អង់គ្លេស​ហើយ ​ដោយសារ​តែ​រូបគេ​មាន​បញ្ហា​របួស​ខ្នង ត្រូវ​ការ​ពេល​សម្រាក​ព្យាបាល។

Sterling ​ជា​កម្លាំង​សំខាន់​ម្នាក់​របស់​លោក Southgate ​ក្នុង​ជម្រើស​ជាតិ​អង់គ្លេស។ យ៉ាងណាមិញ ​ការ​រង​របួស​ខ្នង​នេះ ​រូបគេ​មិន​អាច​ជួយ​ក្រុម​បាន​ឡើយ ទើប​គ្រូ​បង្វឹក​សម្រេច​ដក​រូបគេ​ចេញ។ ការ​ដក​នេះ​ដែរ ​លោក Southgate  ​មិន​ទាន់​រក​ឃើញ​

អ្នក​ជំនួស​នៅ​ឡើយ​ទេ ​ដោយ​លោក​បញ្ជាក់​ថា​នឹង​មិន​កោះហៅ​កីឡាករ​ផ្សេង​មក​បន្ថែម​ឡើយ ព្រោះ​ថា​ Adam Lallana ​និង​ Dele Alli ​អាច​លេង​បាន​តំបន់​របស់ Sterling ​នេះ។

ក្រុម​អង់គ្លេស​នឹង​ត្រូវ​ប្រកួត​ជាមួយ​អេស្ប៉ាញ​​នៅ​ថ្ងៃ​សៅ​ខាង​មុខ​នេះ ​ក្នុង​ពាន​រង្វាន់ UEFA National League ៕ប្រភព៖ DailyMail

ភ្ជាប់ទំនាក់ទំនងជាមួយ CTS SPORT