ត្រឹមជុំទី ៣៦ នៅក្របខ័ណ្ឌ Premier League ទីបំផុតយើងរកឃើញក្រុមឈ្នះជើងឯកលីគកំពូលមួយនេះហើយ ដោយបានទៅលើក្រុម Man City បន្ទាប់ពីក្រុមលេខ ២ Man Utd បានទទួលរងបរាជ័យ ២-១ ក្រោមថ្វីជើងរបស់ Leicester កាលពីយប់មិញ។
បែបនេះសម្រាប់ក្រុមលោក Pep គឺអស់ក្តីបារម្ភហើយ ដោយប្រកួតសេសសល់គឺប្រើអារម្មណ៍ផ្តោតជាចម្បងតែលើពានរង្វាន់ UCL មួយគត់ ព្រោះត្រូវប៉ះក្រុមខ្លាំង Chelsea នៅថ្ងៃទី ២៩ ឧសភានៅវគ្គផ្តាច់ព្រ័ត្រ។
ទន្ទឹមគ្នានេះដែរ យើងក៏រកឃើញកីឡាករអាមេរិកដំបូងដែលអាចឈ្នះពានរង្វាន់លីគកំពូលអង់គ្លេស នោះគឺបានទៅលើកីឡាករ Zack Steffen របស់ក្លឹប Man City ដែលគេជាអ្នកចាំទីដៃទីពីររបស់ក្លឹប។ បុរសវ័យ ២៦ ឆ្នាំក៏ធ្លាប់បង្ហាញខ្លួននៅប្រកួតទល់ Chelsea នាជុំទី ១៧ ផងដែរ ខណៈពេលនោះដោយសារ Edrson កំពុងសម្រាកព្យាបាលជំងឺ COVID-19។
បញ្ជាក់ថាកីឡាករអាមេរិកខាងលើ គឺផ្ទេរមក City ក្នុងលក្ខខណ្ឌខ្ចីជើងត្រឹមបញ្ចប់រដូវកាលនេះប៉ុណ្ណោះ អ៊ីចឹងអាចរាប់ថាសំណាងមួយហើយ ដែលអាចមកបង្កើតកំណត់ត្រាប្រវត្តិសាស្រ្តមួយនៅលីគអង់គ្លេសតំណាងឲ្យកីឡាករនៅសហរដ្ឋអាមេរិកទាំងមូល៕
ប្រភព៖ AF