ក្លឹប Real Madrid បានប្រកាសជាផ្លូវការហើយថា ខ្សែការពារ Ferland Mendy បានជួបបញ្ហារបួសធ្ងន់ធ្ងរដោយកើតឡើងមកពីការប៉ះទង្គិចសាច់ដុំនិងឆ្អឹងនៃផ្នែកជើងខាងក្រោម។ គេត្រូវការរយៈពេលព្យាបាលយូរ ដែលនាំឲ្យគេត្រូវខកខានការប្រកួតសំខាន់ជាច្រើន។
ទាំងការលេងឲ្យក្លឹប Real Madrid គឺ Mendy នឹងមិនអាចជួយ Zidane លេងប្រកួតសេសសល់ទាំងប៉ុន្មាននៅ La Liga ឡើយ ហើយនៅជម្រើសជាតិក៏មិនអាចជួយលោក Deschamps លេងនៅ Euro ឆ្នាំ ២០២០ នេះដែរ ខណៈសល់តែរយៈពេល ៧ ថ្ងៃទៀតប៉ុណ្ណោះ ដែលសមាគម UEFA ត្រូវទាររកបញ្ជីកោះហៅកីឡាករនៃក្រុមជម្រើសជាតិនីមួយៗ។
ការបាត់បង់ Mendy សម្រាប់អធិរាជស Madrid អាចថាពិបាកបន្តិចដែរ ព្រោះកីឡាករមួយចំនួនក៏កំពុងរបួសធ្ងន់ដូចគ្នា តួយ៉ាងដូចជា Dani Carvajal និង Lucas Vazquez ដែលគេអស់ឱកាសលេងនៅរដូវកាលនេះហើយ។ ដ្បិត Marcelo អាចជំនួសតំណែង Mendy បាន តែក៏មិនស្រួលដូចការលេងពេញជើងទាំងស្រុងដែរ ស្របពេលស្ថានភាពការប្រជែងនៅ La Liga កំពុងក្តៅគគុកផង៕
ប្រភព៖ Marca