ក្លឹបឈ្នះជើងឯកនៅ Premier League មិនទាន់អាចប្រកាសជាផ្លូវការនៅឡើយ បន្ទាប់ពី Man City ទទួលរងបរាជ័យ ហើយ Man Utd ជាក្រុមតាមប្រជែងពីក្រោយចេះតែបន្តឈ្នះ។
យ៉ាងណាបើយើងទៅមើលនៅបាតតារាងនៃលីគកំពូលអង់គ្លេស PL ឯណោះវិញ គឺយើងច្បាស់ការហើយអំពីឈ្មោះក្លឹបទាំង ៣ ដែលត្រូវកាត់ឈ្មោះចេញនៅរដូវកាលក្រោយ ហើយធ្លាក់ទៅលេងនៅលីគលំដាប់ទីពីរវិញ។
ក្នុងនោះរួមមាន Fulham ដែលនៅជុំទី ៣៥ ពួកគេមានត្រឹម ២៧ ពិន្ទុ រីឯ West Brom មាន ២៦ ពិន្ទុ និង Sheffield មានតែ ១៧ ពិន្ទុ។
សម្រាប់ Fulham គឺត្រូវធ្លាក់ត្រឹមយប់មិញ ក្រោយពេលដែលពួកគេបន្តចាញ់ក្រុម Burnley ២-០ ហើយកម្រិតពិន្ទុដែលដាច់ដល់ទៅ ១០ ពិន្ទុធៀបនឹង Southampton នោះ គឺអស់ឱកាសសម្រាប់ Fulham ក្នុងការប្រជែងទៀតហើយ ព្រោះការប្រកួតសល់តែ ៣ ជុំទៀតប៉ុណ្ណោះ៕
ប្រភព៖ Metro