ក្រុម PSG ចាប់ផ្ដើមចាប់អារម្មណ៍ទៅលើខ្សែប្រយុទ្ធ Mohamed Salah កាន់តែខ្លាំងហើយ បន្ទាប់ពីខ្សែប្រយុទ្ធ Kylian Mbappe មិនទាន់បន្ដកុងត្រាថ្មីទាល់តែសោះ។
Mbappe ដែលនៅសល់កុងត្រាត្រឹមតែ១ឆ្នាំទៀតនោះ នៅមិនទាន់បានបន្ដកុងត្រាថ្មីអ្វីនោះទេ ខណៈដែលការចរចាដែលល្បីថាចាប់ផ្ដើមតាំងពីយូរមកហើយនោះ នៅមិនទាន់សម្រេចបានឡើយ។ ការមិនទាន់ត្រូវគ្នានេះហើយ ទើបតម្រូវឱ្យក្រុម PSG រកផ្លូវក្រោយឱ្យហើយ។ ពួកគេមើលឃើញថា Salah ដែលកំពុងមិនសប្បាយចិត្តនៅ Liverpool ដែរនោះ ជាកីឡាករសក្ដិសមបំផុតសម្រាប់ពួកគេ។
សូមបញ្ជាក់ថាកីឡាករវ័យក្មេងសញ្ជាតិបារាំងខាងលើជាតួអង្គសំខាន់សម្រាប់ក្រុម PSG ។ នារដូវកាលនេះរូបគេជា Top Scorer រកបាន២៥គ្រាប់ទៅហើយ។ តែសម្រាប់ក្រុមវិញ ពេលនេះនៅលេខ២ ប្រឈមអាចអត់ពានរង្វាន់ ព្រោះកំពុងចាញ់ពិន្ទុក្រុម Lille ៣ពិន្ទុទៀត ហើយការប្រកួតវិញនៅសល់ត្រឹម២ប្រកួតបញ្ចប់រដូវកាលហើយ៕
ប្រភព៖ dailymail