ក្រុមបិសាចក្រហម Manchester United នឹងត្រូវប្រកួតជាមួយក្រុម Leicester City នៅរាត្រីនេះហើយ សម្រាប់ការប្រកួតពានរង្វាន់ English Premier League ។
ក្រុម Man Utd កំពុងឈរនៅលេខ២ក្នុងតារាង ដោយសុវត្ថិភាពទៅហើយ ខណៈដែលការប្រកួតនៅសល់គឺហាក់ដូចជាការប្រកួតបង្គ្រប់កិច្ចប៉ុណ្ណោះ។ ក្រុមរបស់លោក Ole ចង់ផ្ដោតខ្លាំងទៅលើការប្រកួតវគ្គផ្ដាច់ព្រ័ត្រពានរង្វាន់ Europa League ឯណោះវិញ ដែលជាឱកាសពួកគេអាចលើកពានរង្វាន់បាន។ ដោយឡែកលីគ ដែលមានការប្រកួតញឹកគ្នានោះ ត្រូវបានអ្នកចាត់ការរូបនេះថានឹងបណ្ដោយខ្លះហើយ។
លោក Ole បាននិយាយថា៖ “ការប្រកួតរបស់យើងគឺពិតជាជាប់គ្នាខ្លាំងណាស់។ កីឡាករមិនអាចលេងគ្រប់ប្រកួតបែបនេះបានទេ។ ខ្ញុំនឹងធ្វើការផ្លាស់ប្ដូរ ហើយសូមកុំបន្ទោសខ្ញុំអីចំពោះលទ្ធផល។ យើងមិនអាចឱ្យពួកគេលេងរហូតនោះទេ ព្រោះនឹងមានហានិភ័យរបួសជាក់ជាមិនខាន”៕
ប្រភព៖ dailymail