Chelsea បានយកឈ្នះ ២-១ ទៅលើ Man City ដែលនាំឲ្យក្រុមមេឃខៀវខកខានឱកាសឈ្នះជើងឯកនៅជុំទី ៣៥។ ជាមួយជ័យជម្នះនេះដែរ ក្រៅពីផ្តល់ ៣ ពិន្ទុឲ្យខាងក្រុមតោខៀវ ជាងនេះសម្រាប់អ្នកចាត់ការលោក Thomas Tuchel ក៏បានឈ្នះកំណត់ត្រាមួយថែមទៀតផង។
អតីតគ្រូធំនៅ PSG បានដឹកនាំ Chelsea យ៉ាងល្អមិនថាតែនៅ PL និងនៅពានរង្វាន់អឺរ៉ុប ដែលបានឡើងមកដល់វគ្គផ្តាច់ព្រ័ត្រ។ ទៅមើលជ័យជម្នះនៅ Etihad យប់មិញឯណោះវិញ វាគឺការឈ្នះនៅ ៨ ប្រកួតក្រៅដីដំបូងសម្រាប់ Tuchel នាមជាអ្នកចាត់ការក្លឹបនៅលីគកំពូលអង់គ្លេស។
កន្លងមកកំណត់ត្រានេះមានតែគ្រូ ៤ រូបប៉ុណ្ណោះ ធ្លាប់ធ្វើបានដោយរួមមានលោក John Gregory, Luiz Felipe Scolari, Chris Wilder និង Kenny Dalglish។ រីឯលោក Pep Guardiola បានធ្លាក់ទៅក្នុងកំណត់ត្រាមិនល្អមួយ នោះគឺការចាញ់ក្នុងលីគ ៤ ប្រកួតនៅ Etihad ដែលប៉ុន្មានឆ្នាំមកនេះលោកមិនធ្លាប់បរាជ័យដល់កម្រិតហ្នឹងឡើយ៕
ប្រភព៖ Sportsmole