អ្នកចាត់ការលោក Hansi Flick អាចនឹងដឹកនាំ Bayern Munich ឈ្នះពានរង្វាន់លីគកំពូល Bundesliga ត្រឹមប្រកួតចុងសប្តាហ៍នេះ ពេលប៉ះ Borussia Monchengladbach។ នោះគឺប្រសិនណក្រុមម្ចាស់ផ្ទះអាចយកបាន ៣ ពិន្ទុ ហើយបើទោះបីជាលទ្ធផលនៃក្រុមលេខ ២ RB Leipzig ឈ្នះដូចគ្នាក៏ដោយ ក៏នៅតែមិនអាចប្រជែងពានជាមួយ Bayern ទៀតដែរ។
យ៉ាងណាសម្រាប់កីឡាកររបស់ក្រុម Bayern គឺ Robert Lewandowski ក៏គេត្រូវការខិតខំខ្លាំង ដើម្បីតាមស្មើកំណត់ត្រាប្រវត្តិសាស្រ្តមួយរបស់ Gerd Muller ផងដែរ នោះគឺការរកបានគ្រាប់បាល់ក្នុងលីគច្រើនបំផុតនារដូវកាលទោល។
ប្រវត្តិសាស្រ្ត Bundesliga គឺ Muller ធ្លាប់ធ្វើបាន ៤០ គ្រាប់កាលពីរដូវកាល ១៩៧១/៧២។ រីឯ Lewandowski ពេលនេះមាន ៣៦ គ្រាប់ នៅជុំទី ៣១ ពោលគឺនៅសល់ ៣ ជុំក្នុងដៃ ហើយត្រូវការ ៤ គ្រាប់ទៀតឯណោះដើម្បីតាមស្មើ និង ៥ គ្រាប់ដើម្បីបំបែកបាន។ អ៊ីចឹងរង់ចាំមើលទាំងអស់គ្នា តាមរយៈការផ្សាយផ្ទាល់ព្រឹត្តិការណ៍ប្រកួតលើទំព័រ CTS Sports៕
ប្រភព៖ BeSoccer