នៅ Premier League សល់តែ ៤ ជុំទៀតប៉ុណ្ណោះ ហើយពេលនេះ Liverpool កំពុងឈរនៅលេខ ៧ មាន ៥៤ ពិន្ទុ ដែលត្រូវការដល់ទៅ ៧ ពិន្ទុទើបអាចតាមស្មើក្រុមឈរលេខ ៤ គឺ Chelsea។ បែបនេះវាធ្វើឲ្យឱកាសប្រជែង Top 4 យកកៅអីលេង UCL រដូវកាលក្រោយ អាចនឹងកាន់តែពិបាកសម្រាប់ហង្ស។
ពាក់ព័ន្ធនឹងបញ្ហានេះ លោក Jurgen Klopp ជាអ្នកចាត់ការក៏បាននិយាយទូកជាមុនដែរ ថាលោកក៏មិនច្បាស់នោះដែរថាក្រុមអាចរក្សាឱកាសលេង UCL រដូវកាលក្រោយទៀតបានឬអត់។ ប្រាប់នៅសន្និសីទសារព័ត៌មានកាលពីថ្ងៃសោរ៍ បុរសសញ្ជាតិអាល្លឺម៉ង់និយាយ៖ “យើងស្មើនៅ ២ ប្រកួតចុងក្រោយបែបនេះមិនអាចជួយអ្វីយើងបានទេ ហើយខ្ញុំក៏មិនច្បាស់នោះដែរថាយើងនៅមានឱកាសទៀតឬអត់ គ្រាន់តែថាយើងត្រូវច្បាស់លើខ្លួនឯង បើឱកាសនៅមានពិតមែន យើងនឹងត្រូវចាប់វាឲ្យបាន”។
លោកបន្ត៖ “ដោយយើងអាចនឹងឈរនៅលេខ ៥ ឬ លេខ ៤ តាមពិតទៅយើងគួរតែធ្វើបានល្អជាងនេះ ហើយការប្រជែងពានយើងមិនអាចធ្វើបានដោយសារតែយើងរបួសបណ្តុំកីឡាករសំខាន់”។
បញ្ជាក់ថា Liverpool ត្រូវជួប Southampton នៅយប់រំលងអាធ្រាត្រឈានចូលថ្ងៃអាទិត្យ មុនពេលទៅជួប Man Utd និង West Brom នាកំឡុងសប្តាហ៍ក្រោយ៕
ប្រភព៖ BeSoccer