កីឡាការិនី Bi “Killer Bee” Nguyen បានត្រៀមខ្លួនរួចរាល់ហើយក្នុងការប្រកួតដែលនឹងធ្វើឲ្យសហគមគុនចម្រុះឥណ្ឌាភ្ញាក់ផ្អើលចំពោះសមត្ថភពរបស់នាង។ថ្ងៃសៅរ៍ ទី១៥ ខែឧសភា ខាងមុខនេះ កីឡាការិនីវៀតណាម-អាមេរិកប៉ុនប៉ងបំផ្លាញកំណត់ត្រាមិនដែលចាញ់របស់ខ្លាញីឥណ្ឌា Ritu “The Indian Tigress” Phogatនៅព្រឹត្តិការណ៍ ONE: DANGAL។
ដូចវីរបុរសរបស់ ONE Championship ដទៃទៀតដែរ ជីវិតរបស់ Nguyen តែងមានជួបរឿងល្អ និងរឿងអាក្រក់។ ទោះជាយ៉ាងណា កីឡាការិនីអាយុ៣១ឆ្នាំតែងតែរកផ្លូវដើម្បីលើកកម្លាំងចិត្តខ្លួនឯងឆ្ពោះទៅការអភិវឌ្ឍុ។ មុនពេលនាងត្រូវប្រឈមនឹងតារាឆ្នើមឥណ្ឌានៅ ONE: DANGAL មានរឿងរ៉ាវពិត៥យ៉ាងដែលអ្នកគាំទ្រប្រហែលជាមិនដឹងពីនាង។
១. សមាជិកលេចធ្លោកម្មវិធី ‘Survivor’
Nguyen ត្រូវបានគេស្គាល់ក្រៅពីសិល្បៈគឺល្បីល្បាញក្នុកម្មវិធីទូរទស្សន៍ ប៉ុន្តែមិនមែនកម្មវិធី “The Apprentice: ONE Championship Edition“ទេ។
សមាជិកក្លឹប Xtreme Couture បានចូលរួមប្រកួតប្រជែងក្នុងកម្មវិធីទូរទស្សន៍ “Survivor”លើកទី៣៧។ សម្រាប់រដូវកាលនោះ ប្រធានបទគួរឲ្យចាប់អារម្មណ៍ “David ប៉ះ Goliath” ដែលបេក្ខភាពត្រូវបានបែងចែកជា២ពួក។ អ្នកដែលចិញ្ចឹមជីវិតពេញមួយជីវិតស្ថិតនៅក្រុម David និងក្រុមរើសអេតចាយស្ថិតនៅក្រុម Goliath។ Nguyen ស្ថិតនៅក្រុម David ប៉ុន្តែពេលវេលាដែលនាងសម្តែងគឺរយៈពេលខ្លី។
បន្ទាប់ពីការប្រកួតឈ្នះ២ដំណាក់កាល Nguyen បានរបួសជង្គង់។ ដោយបារម្ភរបួសកាន់តែធ្ងន់ធ្ងរ និងប៉ះពាល់ដល់អាជីពប្រដាល់ នាងក៏បានសុំឈប់ពីការប្រកួតប្រជែងក្នុងកម្មវិធីទូរទស្សន៍៍នោះ។
២. ជម្នះនឹងទំនាក់ទំនងស្នេហាហិង្សា
បន្ទាប់ពីផ្លាស់ពីកាលីហ្វញ៉ា ទៅរដ្ឋតិចសាស នៅពេលអាយុ១៥ឆ្នាំ Nguyen បានស្រឡាញ់បុរសម្នាក់ ហើយពួកគេក៏បង្កើតចំណងស្នេហា។ ជាអកុសល នាងបានទទួលរងការធ្វើបាបទាំងផ្លូវកាយ និងផ្លូវចិត្ត សម្រាប់រយៈពេល៤ឆ្នាំ។
កីឡាការិនីវៀតណាម-អាមេរិកបានទទួលរងហិង្សាជាច្រើនលើកសាពីមិត្តប្រុស ប៉ុន្តែនាងនៅតែអត់ទ្រាំ ដើម្បីរក្សាទំនាក់ទំនងដដែល។ ប៉ុន្តែចំណងស្នេហាទុក្ខព្រួយទាំងកាយ និងចិត្តត្រូវបានផ្តាច់នៅជួបគ្រោះថ្នាក់ចរាចរណ៍។
នៅពេលរត់គេចពីការទទួលទោសតាមផ្លូវច្បាប់ មិត្តប្រុសរបស់ Nguyen បានបុក និងក្រឡាប់ឡានដែលនាងក៏នៅក្នុងឡាននោះដែរ។ នៅមន្ទីរពេទ្យ ក្រុមគ្រូពេទ្យបានលាតត្រដាងពីស្លាកស្នាមរបួសចាស់់ដែលមិត្តប្រុសធ្វើបាប ហើយជាពេលលើកដំបូងដែលរឿងរ៉ាវរបស់នាងនិងមិត្តប្រុសត្រូវបានអ្នកដទៃដឹង មុនពេលឈានដល់ទីបញ្ចប់។
៣. គ្មានផ្ទះ ទៅរស់នៅលើដំបូលក្លឹបហាត់ប្រដាល់
ជីវិតចាប់ផ្តើមក្រោយពេលទំនាក់ទំនងស្នេហាត្រូវបានបញ្ចប់ ពេលនោះ នាង Nguyen អត់មានផ្ទះរស់នៅផ្ទាល់ខ្លួនទេពេលអាយុ២២ឆ្នាំ។
កីឡាការិនីរហស្សនាម“Killer Bee”បានរកឃើញកន្លែងអាចស្នាក់នៅមួយនៅលើដំបូលក្លឹបហាត់ប្រដាល់ 4oz Fight Club ដែលនោះហើយជីវិតប្រដាល់របស់នាងបានចាប់ផ្តើមដុះពន្លក។ ជាថ្នូរនឹងការស្នាក់នៅតូចចង្អៀត នាងបានធ្វើជាអ្នកទទួលភ្ញៀវ និងជូតសំអាតក្លឹប។
នៅពេលនោះនាងក៏បានចំណាយពេលហ្វឹកហាត់ដែ។ គ្រូបង្ហាត់របស់នាងបានឃើញពីទេពកោសល្យ និងចំណង់ចំណូលចិត្ត គាត់បានជំរុញឲ្យខំប្រឹងហាត់មួយថៃ និងបានឡើងប្រកួតលើកដំបូងទទួលបានជ័យជម្នះ។ Nguyen បានបញ្ជាក់យ៉ាងច្បាស់ពីការខិតខំប្រឹងប្រែងរបស់នាង និងលះបង់គ្រប់យ៉ាងណាដើម្បីឆ្ពោះទៅរកភាពជោគជ័យ។
៤. ផ្តល់កម្លាំងចិត្តដល់ស្ត្រីក្នុងសហគមន៍របស់នាង
បន្ថែមលើការចង់ឈ្នះខ្សែក្រវាត់ពិភពលោក ONE Women’s Atomweight ដែលប្រជុំដោយនារីជើងខ្លាំងមកពី៨ប្រទេស Nguyen មានគោលដៅសំខាន់ក្រៅពីសសង្វៀនថែមទៀត។ សិស្សក្លឹប Xtreme Couture ចង់ផ្តល់កម្លាំងចិត្ត និងអំណាចដល់ស្ត្រីឲ្យមានសេចក្តីក្លាហាន និងហ៊ានធ្វើនូវអ្វីដែលខ្លួនមានសក្តានុពល។Nguyen បានធ្វើការងារស្ម័គ្រចិត្តពីជម្រករបស់ស្ត្រី បានចែករំលែកបទពិសោធជីវិតដល់ស្ត្រីផងគ្នា និងចែករំលែកវិធីសាស្ត្រការពារខ្លួនគោលសំខាន់ៗ។
កីឡាការិនីវៀតណាម-អាមេរិកមិនបានបណ្តោយឲ្យកូវីដ-១៩ចង្រៃធ្វើឲ្យនាងដុនដាបឡើយ។ Nguyen បានរកឃើញវិធីសាស្ត្រដែលផ្តល់ឲ្យនាងនូវសេវាកម្មតាមរយៈគេហទំព័រឲ្យបន្តការងាររបស់ជួយដល់ផ្តល់កម្លាំងចិត្ត និងអំណាចដល់ស្ត្រីភេទ។
៥. ការច្រៀងជាប្រចាំបទរបស់ NSYNC ពេលជួបជុំគ្រួសារ
បទចម្រៀងដ៏ពេញ “Bye Bye Bye” របស់ក្រុម *NSYNC បានធ្វើឲ្យ Nguyen ស្រឡាញ់ចូលចិត្តតាំងពីកុមារីម្ល៉េះ។ តាំងពីក្មេងមក នាងតែងតែច្រៀងបទចម្រៀងនេះរាល់ពេលដែលមានការជួបជុំក្រុមគ្រួសារ ជាពិសេសនៅថ្ងៃបុណ្យគ្រឹស្មាស។ ការច្រៀងកម្សាន្តនេះបានក្លាយជាទម្លាប់របស់នាងនៅក្នុងគ្រួសារទៅហើយ៕