• Son ​រួច​ផុត​ពី​កាតព្វកិច្ច​បម្រើ​ទ័ព​២១​ខែ ​ក្រោយ​ជួយ​កូរ៉េ​បាន​មេដាយ​មាស Asian Games

    ខ្សែ​ប្រយុទ្ធ ​Son Heung-min ​បាន​រួច​ផុត​ពី​កាតព្វកិច្ច​បម្រើ​ទ័ព​ហើយ ​ក្រោយ​ពី​នាំ​ក្រុម​ជម្រើស​ជាតិ​កូរ៉េ​ក្រោម​អាយុ​២៣​ឆ្នាំ​យក​បាន​មេដាយ​មាស​នៅ Asian Games ​។

    កីឡាករ​វ័យ​២៦​ឆ្នាំ ​ជា​ប្រធាន​ក្រុម U23 ​កូរ៉េ​ខាង​ត្បូង ​លេង​នៅ Asian Games 2018 ​នេះ។ ដោយ​ពួកគេ​បាន​ឡើង​ដល់​វគ្គ​ផ្ដាច់ព្រ័ត្រ ​និង​យក​ឈ្នះ​ក្រុម​ជប៉ុន​បាន​ក្នុង​លទ្ធផល ២-១ ​នៅ​វគ្គ​ថែម​ម៉ោង។ ការ​ឈ្នះ​បាន​មេដាយ​មាស​នេះ​ដែរ ​គឺ​មាន​ន័យ​ថា​រូបគេ​នឹង​មិន​ចាំ​បាច់​ចូល​បម្រើ​ទ័ព​២១​ខែ​ទៀត​នោះ​ទេ។ នេះ​បើ​តាម​ច្បាប់​ដែល​ប្រទេស​កូរ៉េ​ខាង​ត្បូង​បាន​ចែក​ឡើង។

    ច្បាប់​ខាង​លើ​បញ្ជាក់​ថា ​ពលរដ្ឋ​ទាំង​អស់​ត្រូវ​ឆ្លង​កាត់​ការ​បម្រើ​ទ័ព​២១​ខែ​សិន ​សម្រាប់​បុរស។ ករណី​ពិសេស​មួយ​បាន​ចែង​ឡើង បើ​បុគ្គល​នោះ​អាច​នាំ​ប្រទេស​មាន​មុខ​មាត់​លើ​ឆាក​អន្តរជាតិ ​នោះ​រូបគេ​មិន​ចាំ​បាច់​ចូល​បម្រើ​នោះ​ទេ។ ​នេះ​មាន​ន័យ​ថា មេដាយ​មាស​ដែល Son ​រក​បាន​នៅ Asian Games ​គ្រប់​គ្រាប់​សម្រាប់​ការ​មិន​បម្រើ​ទ័ព​២១​ខែ​នោះ​ហើយ៕ប្រភពdailymail

    ភ្ជាប់ទំនាក់ទំនងជាមួយ CTS SPORT