Reece “Lightning” McLaren ជឿជាក់ថាគេអាចផ្ដួល Yuya “Little Piranha” Wakamatsu និង អាចឡើងទៅដណ្ដើមខ្សែក្រវាត់ ONE Flyweight World Title នាពេលខាងមុខ។
តារាគុនចម្រុះលំដាប់ទី៥ នឹងប៉ះជើងខ្លាំងលំដាប់ទី៤ Wakamatsu នៅព្រឹត្តិការណ៍ “ONE on TNT III” ដែលនឹងត្រូវផ្សាយនាព្រឹកថ្ងៃព្រហស្បតិ៍ស្អែកទី ២២ ខែ មេសា ។ ជើងខ្លាំងទាំងពីរនេះសុទ្ធតែរៀបចំទាំងកម្លាំងស្មារតី និងកាយសម្បទាដើម្បីបន្តដល់កម្រិតកំពូល។
«ខ្ញុំបានហ្វឹកហាត់រៀងរាល់ថ្ងៃ និងស្ថិតនៅកម្រិតកំពូល។ ខ្ញុំអាចកើនឡើង ១ ភាគរយរៀងរាល់ថ្ងៃ និងជឿថា នេះជាពេលល្អបំផុតរបស់ខ្ញុំ។ ខ្ញុំកាន់តែរីកចម្រើន, កាន់តែខ្លាំង , កាន់តែលឿន ហើយ ខ្ញុំត្រៀមរួចរាល់ដើម្បីបង្ហាញវា»។ McLaren បានថ្លែងបែបនេះ។
កីឡាករអូស្ត្រាលីបានបង្ហើបកាលខែមុនថា គេក៏ក្លាយជាឳពុកម្នាក់ដែរនា ពេល នេះ។ យ៉ាងណាវាជាកាដូ ក្នុងការធ្វើឲ្យការហ្វឹកហាត់ផ្នែករាងកាយកាន់តែខ្លាំងជាងមុន។
“Lightning” ទទួលបានការចាប់អារម្មណ៍នៅពេលឈ្នះទឹកដំបូងក្នុងពីរលើកចុងក្រោយដោយ បញ្ចប់ Gurdarshan “Saint Lion” Mangat ឲ្យចុះចាញ់ និង ផ្ដួលឲ្យសន្លប់ Aleksi “The Giant” Toivonen ផងដែរ។
McLaren រៀបរាប់ថា ៖«ដោយមានគូកំណាន់ចិត្តដ៏ស្រស់ស្អាត់ នេះគឺជាការលើកទឹកចិត្តដល់ខ្ញុំកាន់តែល្អជាងមុន។ ខ្ញុំបានតស៊ូយ៉ាងខ្លាំង និងធ្វើឲ្យខ្ញុំកាន់តែរីកចម្រើនរហូតដល់ពេលនេះ»។
«ពេលនេះជាលើកដំបូងដែលបោះជំរំហ្វឹកហាត់ [និង] កែប្រែកម្លាំង និងស្ថានភាពផ្សេងៗឲ្យល្អឡើង។ ខ្ញុំកាន់តែល្អជាងមុនឆ្ងាយ។ ខ្ញុំព្យាយាមដើម្បីឡើងដណ្ដើមខ្សែក្រវាត់ម្ដងទៀត»។
យ៉ាងណាក្ដី បុរសជប៉ុន Wakamatsu ក៏មិនអន់ដែរ។ នៅក្នុងអាជីប កូនសិស្សមកពីក្លិប Tribe Tokyo MMA ផ្ដួលដៃគូឲ្យសន្លប់ ១១ លើកក្នុងចំណោម ១៤ ដង និងបន្តជោគជ័យនៅសង្វៀនលំដាប់ពិភពលោកទៀតផង។
តារាជប៉ុនឈ្នះ ៣ លើកជាប់គ្នានៅ ONE ក្នុងនោះ រួមទាំងការផ្ដួលអតីតម្ចាស់ខ្សែក្រវាត់ ONE Flyweight World Champion កីឡាករ Geje “Gravity” Eustaquio ឲ្យសន្លប់ទៀតផង។
McLaren រៀរាប់ថា ៖«ខ្ញុំគិតថា Yuya ជាអ្នកលេងគុនចម្រុះល្អម្នាក់។ គេពូកែខាងប្រយុទ្ធ និង ការប្រកួតក្នុងជំហរដេករហ័សទៀតផង។ អ្នកគាំទ្រនឹងសប្បាយទស្សនា។ ស្នៀតសំខាន់របស់គេ គឺ កណ្ដាប់ដៃស្ដាំ។ គេធ្វើឲ្យ [មនុស្ស] ដេកដោយសារកណ្ដាប់ដៃគេរួចទៅហើយ»។
«យើងមានបច្ចេកទេសប្រយុទ្ធផ្សេងៗគ្នា។ គ្មាននរណាចង់ប្រកួតលើស្នៀតខ្លាំងរបស់គូប្រកួតទេ។ យើងតែងរកចំណុចខ្សោយដើម្បីផ្ដួល។ ខ្ញុំគិតថា ចំបាប់របស់ខ្ញុំ [មានផលចំណេញលើរូបគេ]»។
“Little Piranha” ស្ថិតនៅចំណាត់ថ្នាក់លើ McLaren មួយកាំនៅចំណាត់ថ្នាក់ទូទៅ ONE’s Athlete Rankings ដូច្នេះការប្រកួតនេះជាឱកាសធំបំផុត និងជាការប្រកួតដ៏គ្រោះថ្នាក់។
បន្ទាប់ពី Adriano “Mikinho” Moraes ផ្ដួល Demetrious “Mighty Mouse” Johnson ដើម្បីការពារខ្សែក្រវាត់នៅ “ONE on TNT I” “Lightning” ដាក់ផែនការឡើងទៅដណ្ដើមខ្សែក្រវាត់ World Title នាថ្ងៃណាមួយ។
McLaren សង្កត់ធ្ងន់បែបនេះ ៖«ទម្ងន់ flyweights ល្អបំផុតគឺនៅ ONE ហើយខ្ញុំគិតថា អ្នកឈ្នះការប្រកួតនេះនឹងអាចឡើងទៅដណ្ដើមខ្សែក្រវាត់។ ខ្ញុំកំពុងស្ថិតនៅចំណុចនេះមិនខាន។ នេះជាការប្រកួតដ៏ជក់ចិត្ត និងលឿនរហ័ស។ ខ្ញុំរំពឹងថា ខ្ញុំឆក់យក [បានបេះដូង] អ្នកគាំទ្រនាខែ មេសា នេះ»។