នាយកជាន់ខ្ពស់ប្រចាំក្លឹប Borussia Dortmund លោក Michael Zorc បានសង្កត់ធ្ងន់កាលពីពេលថ្មីៗនេះ ថាកីឡាករសំខាន់របស់ក្លឹបគឺ Erling Haaland នឹងពុំមានការចាកចេញអ្វីទេ ហើយនឹងបន្តនៅជាមួយក្លឹបហួសពីរដូវក្តៅ បើទោះបីជាក្លឹបខកខានការប្រជែងចំណាត់ថ្នាក់ Top 4 នៅ Bundesliga ក៏ដោយ។
Haaland គេជាចំណែកសំខាន់របស់ក្លឹបនៅរដូវកាល ២០២០/២១ តែសោកស្ដាយក្លឹបបានធ្លាក់ចេញពីការប្រកួត Champions League ហើយនៅ Bundesliga ក្លឹបកំពុងឈរនៅលេខ ៥ ត្រូវការ ៤ ពិន្ទុដើម្បីតាមស្មើក្រុម Top 4។
យ៉ាងណាលោក Zorc បាននិយាយប្រាប់សារព័ត៌មាន Sky Deutschland បាននិយាយបែបនេះថា៖ “មិនថាយើងបញ្ចប់នៅចំណាត់ថ្នាក់ណាមួយនោះទេ ដោយ Erling Haaland នឹងនៅតែបន្តលេងជាមួយពួកយើង”។
រំឭកថាកីឡាករវ័យ ២០ ឆ្នាំ រកបាន ៣៥ គ្រាប់និង Assist ១១ លើកនៅការបង្ហាញខ្លួន ៣៧ ប្រកួតឲ្យក្លឹប ហើយនៅពេលចុងក្រោយមានក្លឹបជាច្រើនដូចជា Man Utd, Man City, Liverpool, Chelsea, Real Madrid និង Barcelona សុទ្ធតែចង់បានយុវជនឆ្នើមខាងលើ៕
ប្រភព៖ Sportsmole