លោក Florentino Perez ជាអ្នកផ្ដួចផ្ដើមការប្រកួតពានរង្វាន់ European Super League ឡើងមកនោះ បានបង្ហាញពីភាពអស់សង្ឃឹម និងមិនសប្បាយចិត្តនោះទេ នៅពេលគ្រប់គ្នាមិនបានយល់ពីបំណងរបស់លោក។
គ្រាន់តែចេញសេចក្ដីប្រកាសត្រឹមតែ៤៨ម៉ោងប៉ុណ្ណោះ មានការផ្ទុះតវ៉ាខ្លាំងទៅហើយ រហូតដល់ក្លឹប១០ក្នុងចំណោម១២ បានប្រកាសដកខ្លួនចេញពីពានរង្វាន់ European Super League ទៅហើយ។ ការសម្រេចចិត្តចេញនេះ កើតឡើងដោយសារតែអ្នកគាំទ្រតាមបណ្ដាក្លឹបទាំងអស់នោះ បានចេញមុខមកតវ៉ា និងគំរាមលែងគាំទ្រថែមទៀតផង។
ដោយមើលឃើញពីភាពមិនអាចទៅមុខបានទៀតនេះ លោក Perez ប្រធានក្លឹប Real Madrid បាននិយាយថា៖ “ខ្ញុំពិបាកចិត្ត និងអស់សង្ឃឹម។ ប្រហែលជាយើងមិនបានពន្យល់ពួកគេឱ្យបានច្បាស់លាស់ពីអត្ថប្រយោជន៍ពី Super League ។ វាអាចសង្គ្រោះអនាគតបាល់ទាត់បាន ប៉ុន្តែយើងពន្យល់គ្រប់គ្នាមិនបានល្អ”៕
ប្រភព៖ Marca