• អបអរ Modric ​ជាប់​ឈ្មោះ​ជា​កីឡាករ​ល្អ​ជាង​គេ​នៅ​អឺរ៉ុប

    ខ្សែ​បម្រើ Luka Modric ​បាន​ជាប់​ឈ្មោះ​ជា​កីឡាករ​ល្អ​ជាង​គេ  UEFA Men’s Player of the Year ​បន្ទាប់​ពី​ជួយ​ក្រុម Real Madrid ​លើក​ពាន UEFA Champions league ​បាន​៣​ឆ្នាំ​ជាប់​គ្នា។

    ការ​ឈ្នះ​នេះ​ដែរ គឺ​រូបគេ​បាន​ពិន្ទុ​ច្រើន​ជាង​មិត្ត​រួម​ក្រុម Cristiano Ronaldo ​និង​ខ្សែ​ប្រយុទ្ធ Mohamed Salah ​របស់​ក្រុម Liverpool ​ផង​ដែរ។ មិន​ត្រឹម​តែ​ជាប់​ជា​កីឡាករ​ល្អ​ជាង​គេ​នោះ​ទេ ​សូម្បី​តែ​កីឡាករ​លេង​នៅ​តំបន់​បម្រើ​ល្អ​ជាង​គេ​នោះ ក៏ Modric ​យក​បាន​ផង​​ដែរ។ ស្រប​ពេល Ronaldo ​វិញ ​បាន​ពាន​រង្វាន់​ខ្សែ​ប្រយុទ្ធ​ល្អ​ជាង​គេ​ប្រចាំ​រដូវ​កាល​នៅ Champions League ​ក្រោយ​ពី​ក្លាយ​ជា​អ្នក​រក​គ្រាប់​បាល់​ច្រើន​ជាង​គេ​ក្នុង​ពាន​រង្វាន់​នេះ។

    និយាយ​ពី​ពាន​រង្វាន់​របស់ UEFA ​នៅ​ឆ្នាំ​នេះ​ដែរ ​គឺ​កីឡាករ​ក្រុម Real Madrid ​យក​ទាំង​អស់ ​ដោយ​អ្នក​ចាំ​ទី​បាន​ទៅ​លើ Keylor Navas , ​ខ្សែ​ការពារ​បាន​ទៅ​លើ Sergio Ramos ​ខ្សែ​បម្រើ​បាន​ទៅ​លើ Luka Modric ​និង​ខ្សែ​ប្រយុទ្ធ​បាន​ទៅ​លើ Cristiano Ronaldo ៕ប្រភព៖ dailymail

     

    ភ្ជាប់ទំនាក់ទំនងជាមួយ CTS SPORT