Nieky “The Natural” Holzken មានទំនុកចិត្តខ្លាំងថា ខ្លួនមានកម្លាំងពិសេសដើម្បីផ្តួលដៃគូនៅពេលរូបគេត្រូវឡើងសង្វៀន “ONE on TNT III”។ ការប្រកួតលក្ខណៈឃីកបុកសីងសំខាន់ កីឡាករហុល្លង់នេះត្រូវជួបនឹងកីឡាករ John Wayne “The Gunslinger” Parr នៅព្រឹកថ្ងៃព្រហស្បតិ៍ ទី២២ ខែមេសានេះ។
ការផ្លាស់ប្តូរជំនាញវ៉ៃអាចជាការលំបាក ប៉ុន្តែកីឡាកររហស្សនាម “The Natural”ពិតជាចង់ឲ្យការប្រកួតនេះកើតឡើងណាស់ បន្ទាប់ពីការឌឺដងដាក់គ្នាទៅវិញទៅមក។
លើសពីនេះទៀតនោះ គាត់ជឿថា ថាមពលរបស់គាត់គឺខ្លាំងលើសពីអ្វីដែលអាចផ្តួលដៃគូថែមទៀត ជាពិសេសការប្រកួតដែលពាក់ស្រោមដៃគុនម្រុះ៤អោន។
Holzken និយាយថា ៖«John Wayne Parr ជាកីឡាករចាស់វស្សាម្នាក់។ ខ្ញុំចូលចិត្តរបៀបវ៉ៃរបស់គាត់ ហើយតែងតែមើលការប្រកួតរបស់គាត់។ ខ្ញុំមានអារម្មណ៍រីករាយដែលការប្រកួតជាមួយគាត់នឹងកើតឡើង»។
«ការប្រកួតលក្ខណៈមួយថៃគឺជោកជាំហើយសម្រាប់ខ្ញុំដែលជិត១០ឆ្នាំ។ តាមធម្មតា ខ្ញុំនឹងមិនវ៉ៃឃីកបុកសីងទេ ជាពិសេសគឺការវ៉ៃពាក់ស្រោមដៃគុនចម្រុះ ប៉ុន្តែនៅពេល Parr ចង់វ៉ៃលក្ខណៈឃីកបុកសីង។ ខ្ញុំដូចគ្មានអ្វីត្រូវខ្លាចទេគឺ ខ្ញុំអូខេ»។
Holzken បានផ្តួលដៃគូ Elliot “The Dragon” Compton ក្នុងទឹកទី១នៅព្រឹត្តិការណ៍ ONE: BIG BANG II កាលពីខែធ្នូដែលធ្វើឲ្យរូបគេមានជំនឿចិត្តខ្លាំង។
Holzken និយាយថា ៖«ពិតណាស់ វាអារម្មណ៍អស្ចារ្យដែលទទួលបានជោគជ័យដ៏ធំពីការផ្តួលដៃគូឲ្យសន្លប់ធំក្នុងទឹកទី១។ ខ្ញុំពិតជាមានអារម្មណ៍ថា ខ្លួនឯងមុតស្រួច។ ទាំងផ្លូវកាយ និងផ្លូវចិត្តគឺល្អណាស់មុនការប្រកួតមកដល់»។
ជាមួយនឹងសុទិដ្ឋិ កីឡាករហុល្លង់មិនដែលមានអារម្មណ៍ថា ថាមពលរបស់ខ្លួនស្មើនឹងជើងខ្លាំងណាម្នាក់ក្នុងពិភពលោកឡើយ។ គាត់ស្វែងយល់យ៉ាងច្បាស់ថា ជើងឯកមួយថៃពិភពលោក WMC កីឡាករ Parr មានកែងដ៏គ្រោះថ្នាក់ និងមានកណ្តាប់់ដៃក៏ល្អ។
Holzken និយាយថា ៖«អាវុធរបស់គាត់ពិតជាល្អ តែខ្ញុំខ្លួនឯងក៏ខ្លាំង។ ខ្ញុំពូកែវ៉ៃជំហរស្តាំគឺ១០០០%។ ខ្ញុំអត់ចេះខ្លាចនរណាម្នាក់ទេ។ មនុស្សគ្រប់រូបគេកើតចេញពីសាច់ ឈាមដូចគ្នា មានអ្វីដែលត្រូវខ្លាច។ ខ្ញុំតែងតែហ្វឹកហាត់មួយថៃ ហើយខ្ញុំក៏ចូលចិត្តប្រើកែងដែរ តែខ្ញុំអត់ខ្វល់អាវុធអ្វីទេ។ គោលដៅចម្បងរបស់ខ្ញុំគឺឈ្នះការប្រកួតនេះដោយក្បាច់វ៉ៃពិសេស»។
«ខ្ញុំហាត់នៅប្រទេសថៃ។ ខ្ញុំដឹងរបៀបវ៉ៃ តែខ្ញុំមានរឿងគួរឲ្យភ្ញាក់ផ្អើលធំមួយ នោះគឺកម្លាំងវ៉ៃដៃគូឲ្យសន្លប់របស់ខ្ញុំ។ នៅពេលគាត់ព្យាយាមប្រើកែង ច្បាស់ណាស់ គាត់នឹងទទួលនូវអ្វីដែលភ្ញាក់ផ្អើល»។
ការប្រកួតនេះជាអ្វីដែល “The Natural”សង្ឃឹមទទួលបានជោគជ័យតាមរយៈការប្រើជំនាញវ៉ៃខុសប្លែក។ ជាពិសេសទៀតនោះ ជ័យជម្នះនឹងជួយគាត់អាចនឹងបានឱកាសជាលើកទី៣ដើម្បីជួប Regian “The Immortal” Eersel ក្នុងការដណ្តើមខ្សែក្រវាត់ពិភពលោក ONE Lightweight។
Holzken អាយុ៣៧ឆ្នាំមិនត្រឹមតែស្វែងរកជ័យជម្នះពី Parr ប៉ុណ្ណោះទេ ប៉ុន្តែគាត់ចង់ឲ្យឱកាសនេះក្លាយជាទ្វាររបើកឆ្ពោះទៅរកការប្រកួតដណ្តើមខ្សែក្រវាត់ពិភពលោកលើឆាកអន្តរជាតិ។
កីឡាករនិយាយថា ៖«ខ្ញុំគិតជាប្រចាំអំពីខ្សែក្រវាត់ ONE Championship ពីព្រោះខ្ញុំចង់ក្លាយជាជើងឯកពិភពលោកគ្រប់សស្ថាប័ននៅក្នុងពិភពលោក។ និយាយទៅកន្លែងណាដែលខ្ញុំប្រកួត ខ្ញុំចង់ឈ្នះខ្សែក្រវាត់នៅទីនោះ»។
«ខ្ញុំមានអាវុធដ៏គ្រោះថ្នាក់នៅពេលប្រកួតជាមួយ Regian Eersel ប៉ុន្តែខ្ញុំដឹងថា ខ្ញុំអាចយកឈ្នះគាត់បាន ប្រសិនបើខ្ញុំបានផ្តោតយកចិត្តទុកដាក់១០០%។ សូមឲ្យខ្ញុំឈ្នះពីរបីប្រកួតទៀត ខ្ញុំនឹងប្រកួតជាមួយគាត់ម្តងទៀត»។
Parr ជាកីឡាករដ៏ខ្លាំងម្នាក់ដែលមានអាវុធច្រើនសំបូរបែប ប៉ុន្តែកីឡាកររហស្សនាម “The Natural”បានត្រៀមខ្លួនរួចរាល់ហើយដើម្បីបង្ហាញឲ្យច្បាស់ថា គាត់នឹងបង្កើតជ័យជម្នះដ៏អស្ចារ្យ។
Holzken និយាយថា ៖«John Wayne Parr ជាកីឡាករអាចវ៉ៃបានល្អគ្រប់ទឹកទាំងអស់។ គាត់ពូកែវ៉ៃជំនាញសកល។ គាត់ក៏វ៉ៃជំនាញមួយថៃបានល្អ ហើយអាចវ៉ៃឃីកបុកសីង K-1 ថែមទៀត។ គាត់ខ្លាំងខាងដាក់សម្ពាធផងដែរ»។
«តែខ្ញុំគិតថា អាវុធរបស់ខ្ញុំធ្ងន់ជាងគាត់។ ខ្ញុំគិតថា ខ្ញុំឆ្លាតជាង។ ខ្ញុំគិតថា ខ្ញុំការពារបានល្អនិងវាយបកក៏គ្រោះថ្នាក់ ហើយជំនាញសកលក៏ល្អជាងគាត់។ និយាយឲ្យខ្លី ខ្ញុំនឹងផ្តួលគាត់ក្នុងទឹកទី១»៕