ជំនួបរវាងអ្នកលេងគុនចម្រុះខ្មែរអាមេរិក អែម សុវណ្ណារី ជាមួយកីឡាការិនីជើងខ្លាំងអាមេរិក Colbey Northcutt ដែលគ្រោងជួបគ្នាលើសង្វៀន ONE Championships ក្នុងព្រឹត្តិការណ៍ ONE: TNT IV នាថ្ងៃទី២៨ ខែមេសាខាងមុខនេះ ត្រូវបានខកខានទៅហើយ បន្ទាប់ពីសុវណ្ណារី បានរងរបួសស្មា អំឡុងពេលហ្វឹកហាត់ មិនអាចធ្វើការប្រកួតបានឡើយ ។
កីឡាការិនីវ័យ ២៧ឆ្នាំរូបនេះ បានបញ្ជាក់ថា នាងគ្មានពាក្យអ្វីត្រូវនិយាយឲ្យសមនោះទេ នៅពេលនាងមានបញ្ហារបួសកៀកថ្ងៃប្រកួតដូច្នេះ ។ នាងបានសម្ដែងការសោកស្ដាយជាខ្លាំង ដ្បិតរយៈពេលកន្លងមក សុវណ្ណារី បានព្យាយាម និងខិតខំហ្វឹកហាត់ជាខ្លាំង ដើម្បីត្រៀមប្រកួតជាមួយកីឡាករ Colbey Northcutt ហើយនាងក៏បានសុំទោស ចំពោះគូប្រកួតរូបនេះផងដែរ ។
អែម សុវណ្ណារី បានសម្ដែងការសុំទោស ចំពោះគ្រូបង្វឹក និងគ្រប់ភាគីពាក់ព័ន្ធ រួមទាំងស្ថាប័ន ONE Championship បានផ្ដល់ឱកាសដ៏អស្ចារ្យដល់នាង ក្នុងការប្រកួតនៅព្រឹត្តិការណ៍ ONE: TNT តែនាងបែរជាមិនអាចចូលរួមការប្រកួតនេះបាន ។ លើសពីនេះ នាងបានសុំទោសអ្នកគាំទ្ររបស់ខ្លួន ពិសេសប្រជាពលរដ្ឋកម្ពុជា ដែលតែងតែស្រលាញ់ និងគាំទ្រនាងរហូតមក ។
រហូតមកទល់ពេលនេះ សុវណ្ណារី មានប្រវត្តិប្រកួត ៥លើកមកហើយ ដោយឈ្នះ ៤ និងចាញ់ ១ ក្នុងនោះនាងធ្លាប់មានបទពិសោធន៍ឡើងសង្វៀន ONE ចំនួន ៣ដង ដោយផ្ដួលគូប្រកួតឲ្យបោះបង់ការប្រកួត ២ដង រួមមានផ្ដួលកីឡាការិនីអ៊ុយក្រែន Iryna Kyselova ត្រឹមទឹកទី១ កាលពីឆ្នាំ២០១៨ និងផ្ដួលកីឡាការិនីកូរ៉េ Choi Jeong Yun ត្រឹមទឹកទី២ កាលពីចុងខែមករាកន្លងទៅ ឯមួយប្រកួតទៀត ចាញ់កីឡាការិនីប្រេស៊ីល Rayane Marques Bastos ក្នុងទឹកទី១ កាលពីឆ្នាំ២០១