ក្លឹប RB Leipzig ត្រូវបានគេរាយការណ៍ថា បានដាក់កំហិតដ៏ធ្ងន់មួយសម្រាប់លោក Julian Nagelsmann ថា បើមានក្លឹបណាចង់បានឲ្យទៅដឹកនាំ គឺក្លឹបទាមទារតម្លៃផ្តាច់កុងត្រា ១៧ លានផោនសិន។
ជាការពិតគ្រូវ័យក្មេងរូបនេះ សល់សុពលភាពកុងត្រាជាមួយ Leipzig ដល់ឆ្នាំ ២០២៣ ឯណោះ តែតាមដំណឹងចុងក្រោយលេចលឺថា Bayern Munich ក៏សម្លឹងចង់បានគេដែរ ព្រោះលោក Hansi Flick អាចនឹងចាកចេញ ទៅដឹកនាំក្រុមជម្រើសជាតិអាល្លឺម៉ង់បន្ទាប់ពីលោក Joachim Low។
បញ្ជាក់ថាក្រោយផ្ទេរមកដឹកនាំ Leipzig នៅឆ្នាំ ២០១៩ បុរសវ័យ ៣៣ ឆ្នាំ បានជួយក្រុមថ្មីថ្មោងនេះ ឡើងដល់វគ្គ ៤ ក្រុមនៅ UCL ម្តង ហើយនៅ Bundesliga ក៏មានឱកាសឡើងមកឈរលេខ ១ មួយរយៈពេលដែរ។ សរុប ៨៧ ប្រកួត គេដឹកនាំក្រុមឈ្នះ ៥២ ស្មើ ២០ និងចាញ់ ១៥ លើកតែប៉ុណ្ណោះ៕
ប្រភព៖ DailyMail