ក្លឹប Real Madrid បានចុះកុងត្រា៥ឆ្នាំ ទិញយកអតីតខ្សែប្រយុទ្ធរបស់ខ្លួន Mariano Diaz ពីក្រុម Lyon មកវិញក្នុងតម្លៃខ្លួន៣០លានផោន។
កីឡាករដើមកំណើតអេស្ប៉ាញខាងលើនេះ ជាថ្នាលយុវជនរបស់ក្រុម Real Madrid ហើយបានចូលឈុតធំ និងបង្ហាញខ្លួនបាន៨ដងផងដែរ ក្នុងនាមជាកីឡាករប្ដូរចូល រកគ្រាប់បាល់១គ្រាប់ មុនពេលត្រូវក្លឹបលក់ឱ្យ Lyon កាលពីឆ្នាំ២០១៧កន្លងទៅ។
ខ្សែប្រយុទ្ធវ័យ២៥ឆ្នាំរូបនេះ បង្ហាញខ្លួនបាន៣០ប្រកួតនៅលីគកំពូលបារាំង និងរកគ្រាប់បាល់បាន១៨គ្រាប់ផងដែរ។ អ្វីដែលកាន់តែពិសេសនោះ ១រដូវកាលដំបូងនេះ Mariano បាននាំក្រុម Lyon លេខ៣ ក្នុងតារាង និងមានឱកាសបានលេង UEFA Champions League ផងដែរ។
ដំបូងឡើយ ក្លឹប Sevilla ឯណោះទេ ដែលមានបំណងចង់ទិញរូបគេខ្លាំងជាងគេ ប៉ុន្តែចុងក្រោយ Real Madrid បានឆក់យកមុន ព្រោះពួកគេមានសិទ្ធិ និងកុងត្រាជាមួយ Lyon ថាអាចយក Mariano វិញបាន ប្រសិនបើចង់ពេលណា៕ប្រភព៖ DailyMail
