ខ្សែបម្រើ Federico Valverde បានអះអាងថាអ្នកគាំទ្រ Liverpool ដែលគប់កញ្ចក់ឡានរបស់ក្រុម Real Madrid គឺកាន់តែធ្វើឱ្យក្រុមនេះមានកម្លាំងចិត្តលេងបន្ថែមទៀត។
រំលឹកថាការប្រកួតកន្លងទៅនៅទឹកដី Afield នោះ មានអ្នកគាំទ្រក្រុម Liverpool បានកប់ឡានរបស់ក្រុម Real Madrid អំឡុងពេលធ្វើដំណើរមកប្រកួត។ តែជាសំណាងល្អនៅពេលនោះ មិនមានបង្ករបួសស្នាមដល់កីឡាករនោះទេ ដោយគ្រាន់តែបែកកញ្ចក់តែប៉ុណ្ណោះ។
ចំពោះការកប់កញ្ចក់ឡាននេះដែរ ខ្សែបម្រើ Federico Valverde បានបង្ហាញចំណាប់អារម្មណ៍ថា៖ “វាគ្មានអ្វីនោះទេ ខ្ញុំមកពី Penarol វាគឺជារឿងធម្មតានៅទីនោះ(តំបន់តែងមានហិង្សាមុនប្រកួត)។ វាគ្មានអ្វីឡើយ។ វាមានតែធ្វើឱ្យយើងកាន់តែមានកម្លាំងចិត្តលេងថែមទៀត ដើរទៅទីលានដើម្បីប្រយុទ្ធ ហើយរឿងដទៃទុកនៅម្ខាង”៕
ប្រភព៖ DailyMail