ខ្សែបម្រើ Fede Valverde លេងពេញតង់តែម្ដង ទាំងខ្លួនមានរបួស ដើម្បីជួយក្រុម Real Madrid យកឈ្នះលើក្រុម Liverpool បានឡើងទៅវគ្គពាក់កណ្ដាលផ្ដាច់ព្រ័ត្រ។
កីឡាករអ៊ុយរុយហ្គាយខាងលើនេះដើរតួសំខាន់មែនទែនក្នុងក្រុម ទាំងតំបន់ការពារ និងបម្រើ។ បើទោះជាខ្លួនមានបញ្ហាឈឺជើងមែន តែទម្រង់លេងពេញ៩០នាទីនៅយប់មិញ គឺល្អ និងរត់ដូចកីឡាករមិនមានរបួសដូច្នេះដែរ។ ដោយបញ្ហាឈឺជើងនេះទៀតសោត គឺប្រពន្ធរបស់គេទេ ដែលជាអ្នកបង្ហោះនៅលើបណ្ដាញសង្គមនោះ។
ប្រភពបានបញ្ជាក់ថា យុវជនថ្នាលខាងលើនេះបានរងរបួសហើមជើងនេះអំឡុងពេលហ្វឹកហាត់។ តែសាមីខ្លួនមិនព្រមបញ្ឈប់នោះទេ ពោលគឺសុំគ្រូលេងដដែល ព្រោះដឹងច្បាស់ថាបច្ចុប្បន្នក្រុម Real Madrid មានបញ្ហាកីឡាកររបួសច្រើនណាស់។ ប្រសិនបើរូបគេមិនលេងទៀត នោះប្រាកដជាពិបាកហើយក្នុងការប្រកួតទល់ក្រុម Liverpool ៕
ប្រភព៖ DailyMail