ក្រុម Real Madrid បានឡើងទៅវគ្គពាក់កណ្ដាលផ្ដាច់ព្រ័ត្រ UEFA Champions League ហើយ បន្ទាប់ពីយកឈ្នះលើក្រុម Liverpool ៣-១ គិតសរុបទាំងពីរជើងមក។
សម្រាប់ជើងទី២នៅយប់មិញនេះ ក្រុម Real Madrid ទន់ជើងក្រោមមែនទែន បន្ទាប់ពីអវត្ដមានកីឡាករជម្រើសដំបូង Ramos , Carvajal និង Varane មក។ យ៉ាងណាមិញ Nacho និង Militao ក៏ធ្វើបានល្អសម្រាប់ការពារសំណាញ់ទីដែរ ដោយមិនឱ្យក្រុម Liverpool រកគ្រាប់បាល់បានឡើយ។ គ្រាន់តែ រងគំនាបបន្តិចព្រោះក្រុមរបស់លោក Klopp សម្រុកខ្លាំងមែនទែន។
ក្រោយពីស្មើគ្នា ០-០ នៅជើងទី២យប់មិញ និងមានឱកាសឡើងវគ្គបន្ទាប់ហើយ លោក Zidane អ្នកចាត់ការក្រុម Real Madrid ដឹងច្បាស់កូនក្រុមរងទុក្ខខ្លាំង ព្រោះត្រូវការពារជាប់រហូតពីសំណាក់ខ្សែប្រយុទ្ធរបស់ក្រុម Liverpool ។ យ៉ាងណា នេះជាវិធីសាស្ត្រមួយហើយ សម្រាប់ឡើងទៅវគ្គបន្ដ ព្រោះអ្វីដែលសំខាន់គឺការឡើងទៅវគ្គពាក់កណ្ដាលផ្ដាច់ព្រ័ត្រ៕
ប្រភព៖ DailyMail