FC Porto មិនអាចធ្វើការវាយបកយកឈ្នះដាច់គ្រាប់បាល់ទៅលើ Chelsea បាននោះឡើយ នៅការប្រកួតជើងទី ២។ ក្រុមភ្ញៀវរកបានត្រឹម ១ គ្រាប់ ហើយសរុបលទ្ធផលពីរជើងគឺ Chelsea ២-១ Porto។
យើងទៅមើលស្ថិតិការប្រកួតនៅជើងទី ២ ឃើញថា Chelsea មានការគ្រប់គ្រងបាល់ ៤៥ ភាគរយ ដោយស៊ុត ៨ លើក ចំគោលដៅ ១ លើកគត់ ហើយ Porto គ្រប់គ្រងបាល់ ៥៥ ភាគរយ ស៊ុត ៨ លើក ចំគោលដៅ ២ លើក។ នៅតង់ទី ២ Porto បានដាក់សម្ពាធខ្លាំង ដល់ថ្នាក់បង្កកំហុសឲ្យកើតមានកាតលឿងជាបន្តបន្ទាប់ដល់ទៅ ៥ លើក។
យ៉ាងណាគ្រាប់បាល់ទម្រាំកើតឡើងបាន គឺរង់ចាំដល់នាទី ៩០+៣ ឯណោះ ហើយធ្វើបានដោយកីឡាករ Mehdi Taremi តាមរយៈការហក់ផ្កាប់ចានយ៉ាងស្អាត តែលទ្ធផលប៉ុណ្ណេះបានត្រឹមធ្វើឲ្យអ្នកគាំទ្រលេចក្តីសង្ឃឹមនៅប៉ុន្មាននាទីចុងក្រោយ ហើយក៏លេចបាត់ទៅវិញ ក្រោយអាជ្ញាកណ្ដាលផ្លុំកញ្ចែបញ្ចប់ការប្រកួត (លុះត្រា Porto ស៊ី ២-០ ទើបអាចបន្ថែមម៉ោង ១៥ នាទីពីរដង)៕
ទស្សនាវីដេអូខាងក្រោម៖
https://twitter.com/i/status/1382079346249146370