ខ្សែប្រយុទ្ធ Neymar បានចាត់ទុកមិត្តរួមក្រុម Kylian Mbappe ថាជាកុមារមាសសម្រាប់ក្រុម Paris Saint-Germain ហើយ។
ក្រុម PSG នឹងត្រូវបើកកីឡដ្ឋានរបស់ខ្លួនស្វាគមន៍ក្រុមភ្ញៀវ Bayern Munich សម្រាប់ជើងទី២ពានរង្វាន់ UEFA Champions League វគ្គ៨ក្រុមចុងក្រោយនៅយប់ម៉ោង២រំលងអាធ្រាត្រនេះ។ មុនការប្រកួតនោះចាប់ផ្ដើម Neymar បាននិយាយកើតសរសើរចំពោះមិត្តរួមក្រុម Mbappe ខ្លាំងមែនទែន ជាមួយការធ្វើបានល្អនៅតំបន់ប្រយុទ្ធជាដើម។
កីឡាករប្រេស៊ីល បានហៅខ្សែប្រយុទ្ធវ័យ២២ឆ្នាំខាងលើថាជាកុមារមាសសម្រាប់ក្រុម PSG ហើយ។ Mbappe មិនត្រឹមតែលឿននោះទេ ប៉ុន្តែរូបគេក៏ជាកីឡាករឆ្លាតម្នាក់ផងដែរ។ អតីតខ្សែប្រយុទ្ធ Monaco ជំនាញខាងញាក់បាល់មិនធម្មតាឡើយ ហើយការបញ្ចប់ទីវិញគឺរឹតតែមានទំនុកចិត្តថែមទៀត៕
ប្រភព៖ Goal