Xabi Alonso បានចាប់ផ្ដើមការងារជាគ្រូបង្វឹកថ្នាលយុវជនរបស់ក្លឹប Real Madrid ហើយ ក្រោយពីបានការតែងតាំងជាផ្លូវការពីសំណាក់ប្រធានក្លឹប។
Alonso មិនមែនធ្វើការងារនេះតែម្នាក់ឯងឡើយ ពោលគឺរូបគេនឹងដឹកនាំក្រុមថ្នាលយុវជននេះ ជាមួយអតីតកីឡាករ Real Madrid ដទៃទៀត ដូចជា Santiago Solari និង Raul Gonzalez ។ ខណៈ ដែលពួកគេសុទ្ធតែបានបញ្ចប់ថ្នាក់សិក្សាកម្រិត UEFA ទាំងអស់គ្នា កាលពីដើមឆ្នាំ២០១៨កន្លងទៅនេះ។ ការចូលដឹកនាំយុវជននេះដែរ គឺជាជំហានមួយរបស់ពួកគេដែលចាប់ផ្ដើមការងារជាគ្រូបង្វឹក មុនពេលអាចចូលដល់ដឹកនាំក្រុមធំបាន។
Alonso ជាអតីតកីឡាករ Real Madrid ដែលចូលលេងនៅឆ្នាំ២០០៩ រហូតដល់ឆ្នាំ២០១៤។ រយៈពេល៥ឆ្នាំនេះដែរ Alonso បង្ហាញខ្លួនបាន១៥៨ និងរកគ្រាប់បាល់បាន៤គ្រាប់ផងដែរ៕ប្រភព៖ MARCA
