Bayern Munich កំពុងជោគជ័យខ្លាំងនៅរយៈពេលជាង ២ ឆ្នាំចុងក្រោយ មិនថាតែនៅពានក្នុងស្រុក និងពានរង្វាន់អឺរ៉ុប។ ក្រោមការដឹកនាំរបស់លោក Hansi Flick គេឃើញថា ក្រុមអាល្លឺម៉ង់ទទួលជ័យជម្នះ ៦៥ ប្រកួត ស្មើ ៧ និងចាញ់តែ ៧ លើកគត់នៅ ៧៩ ប្រកួតសរុប។
យ៉ាងណាដោយសារស្ថានភាពនៅក្រុមជម្រើសជាតិអាល្លឺម៉ង់ កំពុងប្រឈមនឹងត្រូវបាត់បង់លោក Joachim Low ក៏នាំឲ្យមានការជឿជាក់ថា Flick ទំនងនឹងត្រូវបានជ្រើសរើសឲ្យមកចូលរួមជំនួសនៅក្រោយចប់ព្រឹត្តិការណ៍ Euro នារដូវក្តៅខាងមុខ។ នេះបើតាមរបាយការណ៍ពី 90min បានចុះផ្សាយ។
ពាក់ព័ន្ធនឹងរឿងនេះប្រសិន Flick ព្រមទៅដឹកនាំមែននោះ Bayern ក៏មិនអែអង់យូរនោះដែរ ហើយក្រុមជឿថា វត្តមាននៃការមកចូលរួមរបស់លោក Jurgen Klopp គឺជាជម្រើសល្អតែមួយគត់ ដែលក្រុមត្រូវធ្វើ។
Klopp ក៏ធ្លាប់មានបទពិសោធន៍ដឹកនាំ Dortmund នៅ Bundesliga ស្រាប់ ហើយជាមួយ Liverpool ក៏បន្ថែមបទពិសោធន៍ជោកជាំតាមរយៈការឈ្នះពាន Premier League និង Champions League៕
ប្រភព៖ Goal