Cristiano Ronaldo Jnr បានចូលហ្វឹកហាត់បាល់ទា់តនៅថ្នាលរបស់ក្រុម Juventus ហើយ បន្ទាប់ពីរូបគេសម្រេចចិត្តចង់មានអនាគតដូចឪពុករបស់ខ្លួនដែរ។
យុវជនវ័យ៨ឆ្នាំខាងលើនេះ ចាប់ផ្ដើមចូលហ្វឹកហាត់នៅសាលាបាល់ទាត់របស់ Juventus ក្រោមអាយុ៩ឆ្នាំកាលពីដើមសប្ដាហ៍នេះ។ ដោយការទៅហ្វឹកហាត់នោះ គឺមាន Georgina Rodriguez ដែលជាសង្សាររបស់ Ronaldo ទៅមើលផ្ទាល់តែម្ដង និងជាអ្នកជូនទៅមកផងដែរ។ កូនប្រុសច្បងរបស់ Ronaldo ម្នាក់នេះ បានបង្ហាញសមត្ថភាពជាច្រើនលើកមកហើយ ជាមួយបាល់ទាត់នេះតាំងពីនៅអេស្ប៉ាញមកម្ល៉េះ។ ស្របពេលដែល Ronaldo ផ្ទាល់ចង់ឃើញកូនរបស់ខ្លួនក្លាយជាកីឡាករបាល់ទាត់ល្បីឈ្មោះមួយរូប។
កីឡាករដែលផ្លាស់ទៅលេងនៅ Juventus ក្នុងតម្លៃខ្លួន១០០លានផោន ធ្លាប់បាននិយាយថា៖ “Jnr ជាមនុស្សចូលចិត្តប្រកួតប្រជែង គាត់ដូចខ្ញុំកាលនៅពីតួចដែរ។ គាត់មិនចូលចិត្តចាញ់នោះទេ ខ្ញុំបានបង្ហាត់បង្រៀនគាត់ខ្លះៗ ហើយគាត់ពិតជាធ្វើបានល្អណាស់។ ខ្ញុំចង់ឃើញគាត់ជាកីឡាករល្អម្នាក់ គាត់ជាក្មេងឆ្លាត លឿន មានជំនាញ និងស៊ុតបាល់បានច្បាស់ល្អណាស់”៕ប្រភព៖ dailymail