តាមរបាយការណ៍ចុងក្រោយបានឲ្យដឹងថា អ្នកមានបុណ្យ Barcelona កំពុងលៃលកចង់ផ្តល់កុងត្រាថ្មីសម្រាប់យុវជនឆ្នើម Pedri ក្រោយលេចលឺដំណឹងថាមានក្លឹបគូប្រជែងនៅក្រៅតំបន់ចង់បាន។
នោះគឺ Liverpool ដែលបានអារម្មណ៍លើកីឡាករ Barcelona រូបនេះ ព្រោះគេត្រូវផុតកុងត្រាជាមួយម្ចាស់ដី Camp Nou នារដូវក្តៅឆ្នាំ ២០២២ ខាងមុខ។ នេះបើតាម The Mirror បានចុះផ្សាយ។
យ៉ាងណាលោក Ronald Koeman នឹងមិនបើកផ្លូវឲ្យ Pedri ចាកចេញទៅបានដោយងាយនោះទេ ហើយគេចង់បន្តកុងត្រាថ្មីឲ្យយុវជនសញ្ជាតិអេស្ប៉ាញ បន្ថែមពីលើកុងត្រាចាស់រយៈពេល ៤ ឆ្នាំបន្ថែមទៀត។ ប៉ុន្តែការសម្រេចចិត្តរបស់សាមីខ្លួនថាយល់ព្រមឬបែបណានោះ មិនទាន់ច្បាស់នៅឡើយ។
រំឭកថារដូវកាល ២០២០/២១ កីឡាករវ័យ ១៨ ឆ្នាំ រកបាន ៣ គ្រាប់និង Assist ៦ លើកនៅការបង្ហាញខ្លួន ៤៤ ប្រកួត តាមរយៈការឈរជើងលើទីលានប្រមាណ ៣ ០៤៤ នាទី៕
ប្រភព៖ Sportsmole