នៅវេលាម៉ោង ០២:០០ នាទីរំលងអាធ្រាត្រ ឈានចូលព្រឹកថ្ងៃអាទិត្យ ទី ១១ មេសា ក្រុម Real Madrid នឹងត្រូវបើកកីឡដ្ឋាន Alfredo di Stefano ស្វាគមន៍ក្រុម Barcelona ដែលជាជំនួប El Clasico ជើងទី ២ ប្រចាំរដូវកាល។
យ៉ាងណាមុនដល់ការប្រកួត យើងក៏សូមធ្វើការបង្ហាញនូវស្ថិតិ សមាសភាពកីឡាករ និងការព្យាករណ៍ដូចខាងក្រោម៖
យប់នេះជាប្រកួតលើកទី ១៨២ រវាងក្រុមទាំងពីរនៅ La Liga ដោយសរុបកន្លងមក Real Madrid ឈ្នះ ៧៤ ខណៈ Barcelona ឈ្នះ ៧២ និងស្មើ ៣៥ លើក។ កាលពីប្រកួតជើងទី ១ រដូវកាលនេះគឺ Real យកឈ្នះ ៣-១។ Messi ជាអ្នកនាំមុខនៅការរកគ្រាប់បាល់ក្នុងជំនួប Clasico ដោយមាន ២៦ គ្រាប់ ខណៈ Benzema មាន ៩ គ្រាប់ នេះយើងរាប់តែកីឡាករនៅឈរជើងលេងឲ្យក្លឹបទាំងពីរ។
យើងទៅមើលសមាសភាពកីឡាករបន្តិច បើទោះបីជា Gerard Pique ត្រលប់មកវិញ តែគេមិនទាន់ប្រាកដថាអាចលេងបានឬអត់នោះទេ ដោយនៅតែមានភាគរយដែលលោក Koeman ប្រើប្រាស់ De Jong នៅតំបន់ការពារក្រោម។ អ្នករបួសដែលខកខានមាន Fati និង Coutinho សម្រាប់អ្នកមានបុណ្យ។
រីឯ Real មាន Varane, Ramos និង Carvajal ហើយ Hazard មិនទាន់ប្រាកដប្រជាថាលេងបានឬអត់។ បែបនេះនាំឲ្យឈុត ១១ រូបរវាងក្រុមទាំងពីរអាចមានដូចខាងក្រោម៖
Real Madrid: Courtois; Vazquez, Militao, Nacho, Mendy; Modric, Casemiro, Kroos; Asensio, Benzema, Vinicius
Barcelona: Ter Stegen; Mingueza, De Jong, Lenglet; Dest, Pedri, Busquets, Alba; Griezmann, Messi, Dembele
ដោយមើលឃើញថា សមាសភាពនៃក្រុមទាំងពីរក៏ប្រហែលគ្នាដែរនោះ មួយផ្សេងទៀតនៅប្រកួតចុងក្រោយក្រុមទាំងពីរក៏មានទម្រង់លេងល្អប្រហាក់ប្រហែលគ្នា នាំឲ្យយើងព្យាករណ៍ថា លទ្ធផលនៃគូ Clasico យប់នេះ គឺបញ្ចប់ត្រឹមលទ្ធផលស្មើ ១-១៕