Antoine Griezmann ខ្សែប្រយុទ្ធក្រុម FC Barcelona និងជម្រើសជាតិបារាំង ទទួលបានកូនទី៣ហើយកាលពីម្សិលមិញនេះ ដែលជាកូនប្រុស។
អ្វីដែលគេចាប់អារម្មណ៍ កូនទាំងពីររបស់កីឡាករខាងលើនេះ កើតចំថ្ងៃតែមួយតែម្ដង ពោលគឺថ្ងៃទី៨ខែមេសាដូចគ្នាទាំងបីនាក់។ កូនទី១ឈ្មោះ Mia កើតឆ្នាំ២០១៦ កូនទី២ឈ្មោះ Amaro កើតឆ្នាំ២០១៩ និងកូនពៅនេះទើបកើតនៅឆ្នាំ២០២១។ ទទួលបានកូនប្រុសទី៣នេះដែរ Griezmann ក៏ត្រូវបានក្រុម Barcelona ឱ្យសម្រាកពីហ្វឹកហាត់១ថ្ងៃផងដែរ។
រូបគេនឹងត្រលប់មកហាត់វិញនៅថ្ងៃសុក្រនេះ ដើម្បីត្រៀមចូលប្រកួតជាមួយក្រុម FC Barcelona តទល់ជាមួយក្រុម Real Madrid ក្នុងជំនួប El Clasico ៕
ប្រភព៖ Marca