ក្រុម West Ham បានហក់ឡើងមកចំណាត់ថ្នាក់លេខ៤ក្នុងតារាង Premier League ហើយ បន្ទាប់ពីពួកគេបានយកឈ្នះលើក្រុម Wovles ក្នុងលទ្ធផល ៣-២។
ក្រុម West Ham របស់លោក David Moyes ពិតជាធ្វើបានល្អខ្លាំងណាស់សម្រាប់ការប្រកួតទល់ក្រុម Wolves នេះ ដោយបើកការនាំមុខបានដល់ទៅ៣គ្រាប់មុនឯណោះ។ យ៉ាងណាមិញ Wolves ក៏ព្យាយាមវាយបកវិញដែរ រហូតមានគ្រាប់បាល់២គ្រាប់វិញ។ ដោយបញ្ចប់ការប្រកួត West Ham បានយកឈ្នះក្នុងលទ្ធផល ៣-២ ។
ការទទួលបាន៣ពិន្ទុបន្ថែមទៀតនេះ បានធ្វើឱ្យក្រុម West Ham ឡើងមកលេខ៤ក្នុងតារាង Premier League ហើយ។ ដោយមាន១ពិន្ទុលើសក្រុម Chelsea ។ ក្រោយពីក្ដាប់បានឱកាសនេះហើយ លោក Moyes ដែលជាអ្នកចាត់ការក្រុមបានអះអាងថានឹងព្យាយាមគ្រប់យ៉ាងដើម្បីរក្សាខ្លួនក្នុងតំបន់នេះ ព្រោះវាជាក្ដីស្រមៃរបស់ក្លឹបតាំងពីដើមរដូវកាលមក៕
ប្រភព៖ DailyMail