Erling Haaland បាននិយាយសរសើរកីឡដ្ឋាន Etihad របស់ក្រុម Manchester City ថាពិតជាស្រស់ស្អាត អំឡុងពេលរូបគេដើរចូលទៅហ្វឹកហាត់ជាមួយសមាជិកក្រុម Dortmund ។
ក្រុម Dortmund ត្រូវទៅសួរសុខទុក្ខក្រុម Man City នៅរាត្រីនេះសម្រាប់ការប្រកួតពានរង្វាន់ UEFA Champions League វគ្គ៨ក្រុមចុងក្រោយជើងទី១។ អំឡុងពេលទៅដល់និងចូលទៅហ្វឹកហាត់នៅកីឡដ្ឋាន Etihad នោះ ស្រាប់តែខ្សែប្រយុទ្ធ Haaland សរសើរកីឡដ្ឋាននេះថាស្រស់ស្អាតខ្លាំងណាស់។ ការសរសើរនេះ បានធ្វើឱ្យអ្នកគាំទ្រមេឃខៀវ ហាក់មានសង្ឃឹម ព្រោះក្លឹបនេះកំពុងចង់បានកីឡាករវ័យក្មេងរបស់សញ្ជាតិន័រវេសនេះស្រាប់។
យ៉ាងណាមិញ បើតាមលោក Pep បានអះអាងថា Haaland ជាកីឡាករល្អហើយ ប៉ុន្តែតម្លៃខ្លួនដល់ទៅជាង១០០លានផោននោះ គឺអស់សមត្ថភាពរបស់ក្រុម Man City ហើយ។ លោកថា ការចំណាយប្រាក់ជាង១០០លានផោនទៅលើកីឡាករម្នាក់ គឺជារឿងមិនត្រឹមត្រូវនោះទេ៕
ប្រភព៖ DailyMail