លោក Zidane បានអះអាងថាពេលនេះ គេហាក់ដូចជាមើលស្រាលមកលើក្រុម Real Madrid ខណៈដែលការប្រកួតទល់ក្រុម Liverpool នឹងឈានដល់នៅរាត្រីនេះ។
ក្រុម Real Madrid នៅរដូវកាលនេះហាក់ដូចជាធ្វើមិនសូវបានល្អមែន។ តែយ៉ាងណាមិញ ពួកគេក៏អាចឡើងមកដល់វគ្គ៨ក្រុមចុងក្រោយនៅពានរង្វាន់ UEFA Champions League និងកំពុងប្រជែងពានរង្វាន់ La Liga ផងដែរ។ តែសម្រាប់អារម្មណ៍ផ្ទាល់ខ្លួនរបស់លោក Zidane យល់ឃើញថាមានគេចាប់ផ្ដើមមើលស្រាលមកលើក្រុម Real Madrid ហើយ។
អ្នកចាត់ការខាងលើបានអះអាងថាទោះជាគេមើលស្រាលយ៉ាងណាក៏ដោយ ក៏ក្រុមរបស់លោកនៅតែមានជំហរច្បាស់ដដែល។ ក្រុមអធិរាជស មិនដែលបោះបង់ចោលក្ដីស្រមៃនោះទេ។ ពីមួយប្រកួតទៅមួយប្រកួត ក្រុម Real Madrid តែងតែផ្ដោតសំខាន់ជានិច្ច៕
ប្រភព៖ Marca