លោក Jurgen Klopp បានអះអាងថាលោកចង់បានតែជ័យជម្នះត្រលប់ទៅវិញប៉ុណ្ណោះ មិនចង់បានការសងសឹកអ្វីឡើយពីក្រុម Real Madrid ក្នុងការប្រកួត Champions League រាត្រីនេះ។
ក្រុម Liverpool នឹងត្រូវប្រកួតជាមួយក្រុម Real Madrid នៅរាត្រីនេះហើយសម្រាប់ការប្រកួតជើងទី១ពានរង្វាន់ UEFA Champions League វគ្គ៨ក្រុមចុងក្រោយ។ នេះជាប្រកួតដែលក្រុមទាំងពីរប៉ះគ្នាជាថ្មីម្ដងទៀត ក្រោយពីធ្លាប់ប៉ះគ្នាម្ដងមកហើយកាលផ្ដាច់ព្រ័ត្រនៅឆ្នាំ២០១៨កន្លងទៅ ដោយគ្រានោះក្រុមរបស់លោក Zidane ឈ្នះក្នុងលទ្ធផល ៣-១។
យ៉ាងណាមិញសម្រាប់លោក Klopp វិញ មិនមានចិត្តចង់សងសឹកអ្វីនោះទេ។ ផ្ទុយទៅវិញលោកមកទីនេះ ដើម្បីចង់បានលទ្ធផលជ័យជម្នះប៉ុណ្ណោះ។ គោលដៅរបស់ក្រុម Liverpool គឺឡើងទៅវគ្គបន្ដ មិនចង់ប្រជែងឬសងសឹកអ្វីនឹងរឿងដែលកើតឡើងនៅឆ្នាំ២០១៨នោះទេ ព្រោះវាជាអតីតកាលទៅហើយ៕
ប្រភព៖ DailyMail