ខ្សែប្រយុទ្ធ Dembele រកបាន១គ្រាប់ចុងម៉ោង ជួយក្រុម FC Barcelona យកឈ្នះលើក្រុម Real Valladolid ក្នុងលទ្ធផល ១-០ នៃការប្រកួតពានរង្វាន់ La Liga ។
ប្រកួតដ៏សំខាន់មួយនេះ ក្រុម Barcelona ព្យាយាមសម្រុកណាស់ ប៉ុន្តែមិនអាចស្វែងរកគ្រាប់បាល់បានភ្លាមៗនោះទេ។ ឈានដល់តង់ទី២ កីឡាកររបស់ Valladolid ទទួលបានកាតក្រហមម្នាក់ទៀតនៅនាទី៧៩។ ដៃគូលេងសល់គ្នា១០នាក់នេះហើយ ទើបធ្វើឱ្យក្រុមអ្នកមានបុណ្យកាន់តែមានកម្លាំងចិត្តថែមទៀត រហូតដល់នាទី៩០+ ក៏ស្រាប់តែ Dembele ស៊ុតបាន១គ្រាប់ដើម្បីទទួលបានជ័យជម្នះក្នុងការប្រកួតនេះតែម្ដង។
ជាមួយលទ្ធផលថែមបាន៣ពិន្ទុទៀតនេះ បានធ្វើឱ្យក្រុម FC Barcelona ឡើងមកលេខ២ក្នុងតារាងហើយ និងចាញ់ពិន្ទុក្រុមកំពូលតារាង AT Madrid តែ១ពិន្ទុប៉ុណ្ណោះ។ ការប្រកួតនៅសល់៩ប្រកួតទៀតទើបបិទបញ្ចប់រដូវកាលនេះ៕
ប្រភព៖ DailyMail