Mohamed Salah កំពុងមានការមិនពេញចិត្តចំពោះកាយវិការរបស់សហព័ន្ធកីឡាបាល់ទាត់អេហ្ស៊ីប ក្រោយពីសហព័ន្ធយករូបភាពរបស់ខ្លួនទៅប្រើប្រាស់ដោយមិនមានការអនុញ្ញាត។
Salah បានសរសេរនៅលើបណ្ដាញសង្គម Twitter ថា៖ “វាជារឿងធម្មតាដែលសហព័ន្ធត្រូវដោះស្រាយរឿងកីឡាករ ដើម្បីឱ្យពួកគេសប្បាយចិត្ត។ ប៉ុន្តែជាក់ស្ដែង អ្វីខ្ញុំឃើញគឺផ្ទុយពីនេះ។ វាមិនធម្មតាទេចំពោះសាររបស់ខ្ញុំ និងមេធាវី បានផ្ញើទៅសហព័ន្ធហើយ ប៉ុន្តែពួកគេធ្វើព្រងើយ។ ខ្ញុំមិនដឹងថាមានរឿងអីទេ។ តើអ្នកពិតជាមិនមានពេលវេលាដើម្បីឆ្លើយតបពួកយើង”។
ភ្នាក់ងារទីផ្សាររបស់ Salah ក៏មិនពេញចិត្តចំពោះរឿងខាងលើនេះដែរ។ ខណៈដែលខាងសហព័ន្ធបានធ្វើព្រងើយចំពោះសារបស់ Salah ដែលបានផ្ញើទៅសហព័ន្ធតាំងពី១ខែមុនម្ល៉េះ។ យ៉ាងណាមិញ ខាងអេហ្ស៊ីប បង្ហើបថាពួកគេនឹងដោះស្រាយបញ្ហានេះឱ្យបានឆាប់បំផុត មិនឱ្យនៅយូរទៀតទេ។
ការមិនពេញចិត្តគ្នានេះដែរ អាចនឹងបង្កឱ្យមានរឿងមិនល្អកើតឡើងសម្រាប់ក្រុមជម្រើសជាតិអេហ្ស៊ីប ស្របពេលដែល Salah ផ្ទាល់ក៏មិនទាន់សម្រេចចិត្តយ៉ាងណា ចំពោះជម្រើសជាតិថាគួរបន្ដឬយ៉ាងណាដែរ៕ប្រភព៖ DailyMail