រឿងរ៉ាវរបស់ Neymar Jr ហាក់កាន់តែក្តៅគគុកឡើយ ក្រោយពីសារព័ត៌មានបារាំង Telefoot បានចុះផ្សាយមុននេះ ថាគេបានព្រមព្រៀងការបន្តកុងត្រាថ្មីជាមួយនឹងក្លឹប Paris Saint-Germain ហើយ។
កុងត្រារបស់កីឡាករប្រេស៊ីលត្រូវផុតនៅឆ្នាំ ២០២២ ខាងមុខ ហើយពេលនេះគេឈានដល់កិច្ចព្រមព្រៀងកុងត្រាថ្មី ដែលនឹងបន្តរយៈពេល ៤ ឆ្នាំទៀត ពោលគឺមានសុពលភាពដល់ឆ្នាំ ២០២៦។ ចំពោះតម្លៃពលកម្មគឺនៅថេរដដែល ដោយទទួលបាន ៣៧ លានអឺរ៉ូ/ឆ្នាំ។
ការសម្រេចចិត្តនេះនឹងអាចនាំឲ្យ Kylian Mbappe មានភាគរយខ្ពស់អាចចាកចេញ ព្រោះតាមដឹងកីឡាករបារាំងមិនចង់នៅជាស្រមោលរបស់ Neymar នោះឡើយ។ យ៉ាងណាបើ PSG យកបានអ្នកថ្មីជា Erling Haaland នោះក៏នឹងក្លាយជាកិច្ចសហការដៃគូថ្មីដ៏គួរឲ្យចាប់អារម្មណ៍មួយរវាងខ្សែប្រយុទ្ធទាំងពីរជាក់ជាមិនខាន។
បញ្ជាក់ថារដូវកាល ២០២០/២១ ខ្សែប្រយុទ្ធវ័យ ២៩ ឆ្នាំ បង្ហាញខ្លួន ២០ ប្រកួត រកបាន ១៣ គ្រាប់និង Assist ៦ លើក តែគេទទួលរងពិន័យកាតក្រហមចំនួន ២ ហើយ៕
ប្រភព៖ AF