• Richarlison ​របស់ Everton ​ត្រូវ​ប្រេស៊ីល ​កោះ​ហៅ​ចូល​ជម្រើស​ជាតិ

    លោក Tite ​គ្រូ​បង្វឹក​ក្រុម​ជម្រើស​ជាតិ​ប្រេស៊ីល ​បាន​កោះ​ហៅ​ខ្សែ​ប្រយុទ្ធ​វ័យ​ក្មេង Richarlison ​របស់​ក្រុម Everton ​ចូល​ជម្រើស​ជាតិ ​ក្រោយ​មើល​ឃើញ​មាន​សមត្ថភាព។

    កីឡាករ​វ័យ​២១​ឆ្នាំ​រូប​នេះ ​ត្រូវ Everton ​ទិញ​ចូល​បំបែក​កំណត់ត្រា​តម្លៃ​ខ្លួន​របស់​ក្លឹប​ចំនួន​៤៤​លាន​ផោន។ ​រូបគេ​រក​គ្រាប់​បាល់​បាន​៣​គ្រាប់​ហើយ ​ឆ្លង​កាត់​៣​ប្រកួត ប៉ុន្តែ​ការ​ប្រកួត​ចុង​ក្រោយ​នេះ ​ពេល​លេង​ទល់​ក្រុម ​Bournemouth ​ទទួល​បាន​កាត​ក្រហម​ត្រូវ​បណ្ដេញ​ចេញ។ យ៉ាងណាមិញ ​ទម្រង់​លេង​បើក​រដូវ​កាល​បាន​យ៉ាង​ល្អ​នេះ ​គឺ​ល្មម​គ្រប់​គ្រាន់​ដើម្បី​ទាក់​ចិត្ត​លោក ​Tite ​គ្រូ​បង្វឹក​ជម្រើស​ជាតិ​ប្រេស៊ីល​ហើយ។

    ក្រុម​បាល់ទាត់​ជម្រើស​ជាតិ​ប្រេស៊ីល ​នឹង​ត្រូវ​លេង​មិត្តភាព​អន្តរជាតិ​ទល់​ក្រុម​អាមេរិក ​នៅ​ថ្ងៃ​ទី​៨​ខែ​ក្រោយ ​មុន​ពេល​ប៉ះ​ក្រុម​អែលសាល់វាឌ័រ ​នៅ​ថ្ងៃ​ទី​១២៕ប្រភព៖ dailymail

     

    ភ្ជាប់ទំនាក់ទំនងជាមួយ CTS SPORT