ONE Championship ត្រៀមរួចរាល់នៅឆ្នាំ២០២១ ដែលត្រូវផ្សាយផ្ទាល់លើកដំបូងនៅទឹកដីអាមេរិកតាមរយៈកញ្ចក់ទូរទស្សន៍នៅអាមេរិកក្នុងម៉ោងពិសេសនៃប្រទេសមហាអំណាចមួយនេះ។
នៅថ្ងៃពុធទី ៧ ខែ មេសា ស្ថាប័នរៀបចំកម្មវិធីប្រកួតក្បាច់គុនលំដាប់ពិភពលោកនឹងផ្សាយផ្សាយកម្មវិធី “ONE on TNT I” ដូចដែល Rich Franklin បាន ឲ្យ ដឹង កន្លង មក ហើយអ្នកគាំទ្រអាមេរិកខាងជើងនឹងរំភើបរីករាយមិនខានចំពោះកម្មវិធីប្រកួតលើកដំបូងនេះ។
គូពិសេសសុទ្ធតែគូល្បីៗលំដាប់ពិភពលោក ដែលក្នុងនោះរូបគេកំពុងបង្កើតឱកាសក្លាយខ្លួនទៅជាវីរបុរស, ការឈ្នះជើងឯកពិភពលោក World Title, ឱកាសឈ្នះជើងឯក World Championship , ឬ ការផ្ដួលគូប្រកួតគួរឲ្យភ្ញាក់ផ្អើលជាដើម។
ពេលនេះសូមលើកយក ហេតុផលចំនួន ៥ ដែលអ្នកគាំទ្រត្រូវតែទស្សនាព្រឹត្តិការណ៍ “ONE on TNT I” ក្នុងគូពិសេស (Main Card) ដូចខាងក្រោម។
#1 ការប្រកួតទម្ងន់ Flyweight ដ៏ធំក្នុងប្រវត្តិសាស្ត្រ
អ្នកគាំទ្រនឹងបានទស្សនាការប្រកួតទម្ងន់ flyweight ដ៏ធំក្នុងជំនួបគុនចម្រុះជាប្រវត្តិសាស្ត្រ នៅពេល ម្ចាស់ខ្សែក្រវាត់ ONE Flyweight World Champion កីឡាករ Adriano “Mikinho” Moraes ឡើងការពារខ្សែក្រវាត់ទល់នឹងវីរបុរស Demetrious “Mighty Mouse” Johnson។
Johnson ចំណាយពេលមួយទសវត្សទើបចាញ់មួយប្រកួតប៉ុណ្ណោះក្នុងការប្រកួតនៅស្ថាប័នធំបំផុតនៅអាមេរិកខាងជើង ជាទីដែលរូបគេគ្រងខ្សែក្រវាត់ទ Flyweight World Champion ចំនួន ១២ សម័យ។
បន្ទាប់មកទៀត “Mighty Mouse” បានចូលរួមសង្វៀន The Home Of Martial Arts(ONE) និងផ្ដួលជើងខ្លាំងចំនួន ៣ រូបដើម្បីឈ្នះជើងឯក ONE Flyweight World Grand Prix Championship កាលខែតុលា ឆ្នាំ ២០១៩។ ជ័យជម្នះទាំងនេះនាំឲ្យរូបគេក្លាយជាគូប្រជែងលេខ១ និង មានឱកាសទៅដណ្ដើមខ្សែក្រវាត់ពី Moraes។
យ៉ាងណាក្ដី Moraes អាចក្លាយជាមនុស្សម្នាក់ដែលយកឈ្នះ “Mighty Mouse” និងបន្តខ្លួនឲ្យស្ថិតនៅកម្រិតខ្ពស់បន្ថែមទៀត។ បើសិនអីចឹងមែន តារាប្រេស៊ីល ជាអ្នកគ្រងខ្សែក្រវាត់ទម្ងន់ flyweight យូរបំផុតក្នុងប្រវត្តិសាស្ត្ររបស់ ONE។
បុរសមកពីក្រុង Brasília មានកំណត់ត្រាល្អបំផុតក្នុងទម្ងន់ flyweight ក្នុងនោះផ្ដួលគូប្រកួតឲ្យចុះចាញ់(៦ដង), បញ្ចប់គូប្រកួត (៦ដង), និង ឈ្នះក្នុងការប្រកួត World Title ច្រើនបំផុត (៦ដង)។ គេស្មើកំណត់ត្រា Gianni Subba និង Danny “The King” Kingad ដែលឈ្នះច្រើនបំផុត (៩ដង)។
វីរបុរសត្រូវតតាំងនឹងកីឡាករដ៏ល្អបំផុតម្នាក់ តើនរណាទៅជាស្ដេចត្រាញ់ទម្ងន់ “Flyweight” ពិតប្រាកដ។
#2 Alvarez ស្ថិតក្នុងដំណើរដ៏អស្ចារ្យបំផុត
Eddie “The Underground King” Alvarez បន្តដំណើរឆ្ពោះទៅរកភាពអស្ចារ្យបន្ថែមទៀត នៅពេលតតាំងនឹងគូប្រជែងលំដាប់លេខ២ទម្ងន់ lightweight កីឡាករ Iuri Lapicus ក្នុងនាមជាគូឯករង។
បុរសមកពីរដ្ឋ Philadelphia ជាវីរបុរសដ៏ពិតប្រាកដម្នាក់ក្នុងលោក។
Alvarez បានគ្រងជើងឯក World Title នៅស្ថាប័នធំបំផុតនៅអាមេរិកខាងជើង និងសុបិនចង់ឈ្នះ ខ្សែក្រវាត់ ONE Lightweight World Championship។ ដូច្នេះ គេនឹងក្លាយជាមនុស្សម្នាក់ដែលអាចកាន់ខ្សែក្រវាត់ពីស្ថាប័នធំៗចំនួន ៣ នៅក្នុងលោក។
បើសិនអាចផ្ដួល Lapicus នៅម៉ោងពិសេសរបស់ទូរទស្សន៍អាមេរិក “The Underground King” កាន់តែខិតជិតគោលដៅឆ្ពោះទៅចំណាត់ថ្នាក់ ONE’s Athlete Rankings។
#3 តើ Lapicus អាចបញ្ចប់អាជីពរបស់ Alvarez?
Lapicus កំពុងត្រលប់មកវិញយ៉ាងគឃ្លើន។
តារាសញ្ជាតិម៉ុលដាវីឈានទៅដណ្ដើមខ្សែក្រវាត់ ONE Lightweight World Title ក្រោយឈ្នះ ១៤ លើកជាប់គ្នា ក្នុងនោះសុទ្ធតែឈ្នះដោយផ្ដួលគូប្រកួតឲ្យសន្លប់ ឬ បញ្ចប់ឲ្យចុះចាញ់។ យ៉ាងណាក្ដី គេចាញ់ក្រោមថ្វីដៃម្ចាស់ខ្សែក្រវាត់ ONE Lightweight World Champion កីឡាករ Christian “The Warrior” Lee។ នេះជាបរាជ័យលើកដំបូងរបស់បុរសវ័យ ២៥ ឆ្នាំរូបនេះ។
បច្ចុប្បន្ន Lapicus កំពុងដាក់ផែនការទៅដណ្ដើមខ្សែក្រវាត់ជាថ្មី។
តាំងពីចាញ់លើកដំបូង កូនសិស្សមកពីក្លិប Team Petrosyan នឹងឡើងប៉ះ Alvarez ជាវីរបុរសដែលតារាម៉ុលដាវីបានទស្សនាការប្រកួតកាលរូបគេនៅក្មេង។ បើសិនឈ្នះការប្រកួតនេះ គេអាចឈានទៅដណ្ដើមខ្សែក្រវាត់ World Title ម្ដងទៀត។
ថ្ងៃពុធក្រោយ តើ Lapicus អាចត្រឡប់មកទទួលជ័យជម្នះវិញទេ។ ឬ ក៏អាចបញ្ចប់អាជីព កីឡាករអាមេរិកដូចដែលបានថ្លែងកាលលើកមុន?
#4 អាមេរិកបានជួប ‘The Iron Man’
ដើម្បីបន្ថែមភាពរីករាយក្រៅពីគុនចម្រុះ អ្នកគាំទ្រអាមេរិកខាងជើងនឹងបានឃើញតារាមួយថៃដ៏គ្រោះថ្នាក់បំផុត ក្នុងលោក គឺ Rodtang “The Iron Man” Jitmuangnon។
Rodtang ត្រូវបានគេស្គាល់ថាជាអ្នកលេងមួយថៃមិនចេះដកថយ, ស្ទិលប្រកួតគឺដើរសំដៅទៅមុខ និង ការប្រើកណ្ដាប់ដៃសំដៅចង្កា។ គេឈ្នះការប្រកួតទាំង ៩លើកនៅសង្វៀន ONE , ឈ្នះខ្សែក្រវាត់ ONE Flyweight Muay Thai World Title, និង ដាក់គោលដៅរកខ្សែក្រវាត់ឃីកបុកសីងទៀតផង។
គុនចម្រុះជាចំណង់ចំណូលចិត្តទស្សនាសម្រាប់អ្នកគាំទ្រនៅអាមេរិក ប៉ុន្តែ ពួកគេអាចផ្លាស់ប្ដូរពេលឃើញ “The Iron Man” ប្រើកណ្ដាប់ដៃមួយថៃដោយប្រើហ្គង់គុនចម្រុះទម្ងន់ ៤អោន។
“Mini T” Danial Williams កំពុងសម្លឹងបំបាក់ Rodtang នៅចំពោះមុខអ្នកគាំទ្រអាមេរិក ប៉ុន្តែ ពួកគេនឹងឃើញបុរសទាំងពីរប្រើស្នៀតល្អៗបំផុតក្នុងទម្ងន់ catch weight នៃការប្រកួតមួយថៃ។
#5 ការចាប់ផ្ដើមព្រឹត្តិការណ៍ជាស៊េរីជាប្រវត្តិសាស្ត្រ
“ONE on TNT” គឺជាព្រឹត្តិការណ៍ជាស៊េរីដំបូង ហើយមានព្រឹត្តិការណ៍បន្តបន្ទាប់ចំនួន ៣ ផ្សេងដែលត្រូវរៀបចំឡើងរៀងរាល់ថ្ងៃពុធក្នុងអំឡុងខែមេសានេះនៅអាមេរិក។
ដោយមិនសង្ស័យ “ONE on TNT I” នឹងក្លាយជាព្រឹត្តិការណ៍ដ៏រំភើបបំផុតប្រចាំឆ្នាំ ដែលអាចអង្គុយញុំាអាហារសម្រន់ដើម្បីទស្សនា, អង្គុយលម្ហែ, និង ទស្សនាប្រកបដោយភាពរីករាយ៕