លោក Zidane អ្នកចាត់ការក្រុម Real Madrid បានអះអាងថាក្រុមមានគម្រោងលេងប្រកួតដែលនៅសល់នារដូវកាលនេះ ដោយគ្មានវត្តមានរបស់ Eden Hazard នោះទេ។
អតីតកីឡាកររបស់ Chelsea រូបនេះ ផ្លាស់ទៅលេងនៅ Bernabeu នៅឆ្នាំ២០១៩កន្លងទៅ ជាមួយតម្លៃខ្លួនប្រមាណជា៨៨លានផោន ប៉ុន្តែតាំងពីផ្លាស់ទៅលេងនៅអេស្ប៉ាញនេះ រូបគេមានបញ្ហារបួសជាប់ជានិច្ច មិនធូរស្បើយសោះ។ រហូតមកដល់ពេលនេះ ប្រកួតរបស់គេលេងបានតែ៣៦ប្រកួតទេ គ្រប់កម្មវិធី។ ដោយចុងក្រោយនេះ មានបញ្ហាកែងជើងទៀត ដែលត្រូវសម្រាករយៈពេលយូរ។
ដោយមើលស្ថានភាពមិនល្អនេះហើយ លោក Zidane បានអះអាងថាក្រុមការងារបានចាប់ផ្ដើមគម្រោងសម្រាប់ការលេងប្រកួតនៅសល់ដោយគ្មាន Hazard ទៅហើយ។ លោកមិនចង់ប្រថុយដាក់ឱ្យគេលេង ទាំងមិនទាន់ជាសះស្បើយ១០០%នោះទេ ដោយសង្ឃឹមថានៅរដូវកាលក្រោយអ្វីគ្រប់យ៉ាងនឹងល្អឡើងវិញ៕ប្រភព Dailymail