លោក Mauricio Pochettino អ្នកចាត់ការក្រុម Spurs និយាយគាំទ្រលោក Jose Mourinho បើទោះជាមានមតិរិះគន់ចំពោះការដឹកនាំរបស់លោក នារដូវកាលថ្មីនេះក៏ដោយ។
Jose កំពុងក្ដៅកៅអី ក្រោយពីដឹកនាំក្រុមមិនបានល្អ ហើយស្របពេលក្លឹបទិញកីឡាករដែលខ្លួនចង់បាន មិនបានថែមទៀត។ បើទោះជាយ៉ាងនេះក្ដី លោក Pochettino នៅតែជឿជាក់ថា Jose ជាអ្នកចាត់ការល្អដដែល ហើយនឹងអាចនាំ Man Utd ត្រលប់ទៅរកភាពខ្លាំងវិញបាននៅថ្ងៃអនាគត បើទោះជាទីផ្សារដោះដូរកីឡាករ ពួកគេមិនអាចទិញចូលបានក៏ដោយ។
អ្នកចាត់ការរបស់ Spurs បាននិយាយថា៖ “សម្រាប់អ្នកចាត់ការគ្រប់គ្នាដែលក្មេង ជាងគាត់ គឺបានចាត់ទុកគាត់ជាអ្នកចាត់ការល្អបំផុត។ ខ្ញុំបានរៀនសូត្រពីគាត់បានច្រើន ច្រើនមែនទែន ហើយគាតជាអ្នកចាត់ការអស្ចារ្យបំផុត។ ខ្ញុំមានទំនាក់ទំនងល្អណាស់ជាមួយគាត់ គាត់បង្រៀនខ្ញុំបានច្រើនមែនទែន”។
សូមបញ្ជាក់ថានៅម៉ោង២រំលងអាធ្រាត្រនេះ ក្រុម Spurs នឹងត្រូវតតាំងជាមួយក្រុម Manchester United ក្នុងការប្រកួតលីគកំពូលអង់គ្លេស សប្ដាហ៍ទី៣៕ប្រភព៖ dailymail
