ក្លឹប Chelsea បានច្រានចោលដំណឹងកាលពីម្សិលមិញថា ម្ចាស់ក្លឹបលោក Roman Abramovich ចង់លក់ក្លឹបតោខៀវក្នុងតម្លៃ២ពាន់លានផោន។
ផ្ទុយទៅវិញ ពួកគេបានបង្ហាញគម្រោងថ្មីមួយទៀត ដែលលោក Roman កំពុងពិចារណាគឺការកែកុនកីឡដ្ឋាន ដោយអាចប្រើលុយប្រមាណ៥០០លានផោនឯណោះ។ ការកែកុននេះ គឺនឹងធ្វើឱ្យកីឡដ្ឋានរបស់ Chelsea ទំនើប និងអាចផ្ទុកអ្នកគាំទ្របានកាន់តែច្រើនបន្ថែមទៀតទៅថ្ងៃមុខ។ ខណៈដែលរឿងប្រធានក្លឹបចង់លក់នោះ គឺមិនពិតនោះទេ។ Chelsea បានប្រកាសដូច្នេះ ក្រោយពីម្សិលមិញនេះ មានដំណឹងមកថាលោក Roman ចង់លក់ក្លឹប។
សូមបញ្ជាក់ថា លោក Roman ទិញក្លឹប Chelsea កាលពីឆ្នាំ២០០៣ ក្នុងតម្លៃ១៤០លានផោន។ រយៈពេលជាង១០ឆ្នាំនេះ លោកបានចំណាយប្រាក់ និងអភិវឌ្ឍក្លឹបអង់គ្លេសនេះឱ្យខ្លាំង និងល្បីមែនទែន។ ក្រោមការកាន់កាប់របស់លោក Roman ក្លឹប Chelsea បានលើកពាន English Premier League បាន៥ដង លើកពាន Champions League បាន១ដង លើកពាន FA Cup បាន៥ដង League Cup ៣ដង និង Europa League ១ដង៕ប្រភព៖ DailyMail