ខ្សែប្រយុទ្ធ Dembele បានរកគ្រាប់បាល់ឱ្យក្រុមជម្រើសជាតិបារាំងបានវិញហើយ ក្រោយពីខកខានតាំងពីឆ្នាំ២០១៨មក។
សម្រាប់ការប្រកួតជម្រុះ World Cup 2022 កាលពីយប់មិញនេះ ក្រុមបាល់ទាត់ជម្រើសជាតិបារាំងបានយកឈ្នះលើក្រុមកាហ្សាក់ស្ថានក្នុងលទ្ធផល ២-០។ ដោយ២គ្រាប់នោះធ្វើបានសម្រេចដោយ Dembele ១គ្រាប់នៅនាទី១៩ និងការធ្វើឱ្យចូលទីខ្លួនឯងរបស់ Maliy ១គ្រាប់ទៀតនៅនាទី៤៤។ នៅតង់ទី២ Mbappe មានឱកាសរកបាន១គ្រាប់ដែរ ប៉ុន្តែគួរឱ្យសោកស្ដាយរូបគេទាត់ប៉េណាល់ទីមិនបានសម្រេចឡើយ។
ដោយឡែក១គ្រាប់យប់មិញរបស់ Dembele គឺជាគ្រាប់បាល់ដំបូងរបស់គេចាប់តាំងពីឆ្នាំ២០១៨មកហើយឱ្យក្រុមជម្រើសជាតិបារាំង។ ខ្សែប្រយុទ្ធលេងនៅក្លឹបអាជីព Barcelona នេះ ខកខានការប្រកួតច្រើនណាស់កន្លងមក ដោយសារតែមានបញ្ហារបួសជាប់រហូត៕ប្រភព Dailymail
