បើសួរអ្នកគាំទ្រវិស័យកីឡាកាស WWE ថាតើអ្នកកីឡាកាសរូបណាមួយដែលមានកម្ពស់ខ្ពស់ជាងគេ? ជឿថាមនុស្សជាច្រើនប្រាកដជាឆ្លើយថា អាចរវាង Big Show ឬបុរសយក្ស The Great Khali។
យ៉ាងណាចម្លើយពិតប្រាកដគឺមិនត្រូវនោះទេ ខណៈអ្នកទាំងពីរបានត្រឹមឈរនៅលេខរៀងទី ៤ និងទី ៥ តែប៉ុណ្ណោះ។ តាមរបាយការណ៍ពី Sportskeeks យើងធ្វើការបង្ហាញឈ្មោះអ្នកកីឡាកាសទាំង ១០ ដែលមានកម្ពស់ខ្ពស់បំផុតដូចតទៅ៖
=៩) The Undertaker
អ្នកកីឡាកាសដែលមានឈ្មោះពិត Mark William Calaway ឬជាប់រហស្សនាមស្តេចខ្មោច The Undertaker បានប្រលូកអាជីពនៅលើសង្វៀន WWE នាឆ្នាំ ១៩៨៧ ហើយប្រកាសចូលនិវត្តនៅឆ្នាំ ២០២០។ លោកមានកម្ពស់ ២,០៨ ម៉ែត្រ និងទម្ងន់ ១៤០ គីឡូក្រាម។
=៩) Kevin Nash
បុរសវ័យ ៦១ ឆ្នាំ ក៏ទើបតែប្រកាសចូលនិវត្តពីសង្វៀន WWE នៅដើមឆ្នាំ ២០២០ ក្រោយពីប្រលូកអាជីពបានរយៈពេលជាង ៣០ ឆ្នាំ។ លោកមានកម្ពស់ ២,០៨ ម៉ែត្រ និងទម្ងន់ ១៤៩ គីឡូក្រាម។
=៥) Robert Maillet
បុរសជនជាតិកាណាដារូបនេះ ប្រហែលជាមិនសូវមានអ្នកស្គាល់នោះទេ តែគេក៏ជាអ្នកកីឡាកាសម្នាក់ផងដែរ ហើយបានចូលនិវត្តនៅឆ្នាំ ២០១១។ គេមានកម្ពស់ ២,១៣ ម៉ែត្រ និងទម្ងន់ ១៥៩ គីឡូក្រាម។
=៥) Big Cass
គេមានឈ្មោះពិត William Morrissey ដែលនៅបន្តអាជីពលើសង្វៀន WWE មកទល់សព្វថ្ងៃ។ កម្ពស់របស់គេគឺ ២,១៣ ម៉ែត្រ និងមានទម្ងន់ ១២៥ គីឡូក្រាម។
=៥) Kane
ជាអ្នកកីឡាករជនជាតិអេស្ប៉ាញ ដែលធ្លាប់ជាអតីតដៃគូរបស់ The Undertaker ហើយក៏ធ្លាប់ឈ្នះខ្សែក្រវាត់ទម្ងន់ធ្ងន់ World Heavyweight Championship ១ លើកផងដែរ។ គេមានកម្ពស់ ២,១៣ ម៉ែត្រ និងទម្ងន់ ១៤៧ គីឡូក្រាម។
=៥) Big Show
ឃើញតែមាឌឌាំងអ៊ីចឹង តាមពិត Big Show ក៏មានកម្ពស់ខ្ពស់ណាស់ដែរ។ បុរសវ័យ ៤៩ ឆ្នាំ មានកម្ពស់ ២,១៣ ម៉ែត្រ និងទម្ងន់ ១៧៤ គីឡូក្រាម។ លោកបានបង្ហាញខ្លួនជាលើកដំបូងនៅខែធ្នូ ឆ្នាំ ១៩៩៤ ហើយបានបន្តអាជីពមកទល់ពេលបច្ចុប្បន្ន។
៤) The Great Khali
ជាអ្នកកីឡាកាសជនជាតិឥណ្ឌា ដែលមានអ្នកគាំទ្រជាច្រើនបានស្គាល់ នៅពេលដែលគេឈ្នះខ្សែក្រវាត់ទម្ងន់ធ្ងន់ World Heavyweight Championship កាលពីឆ្នាំ ២០០៧។ បុរសម្នាក់នេះមានកម្ពស់ ២,១៦ ម៉ែត្រ និងទម្ងន់ ១៥៧ គីឡូក្រាម។
៣) Giant Silva
ក្រៅពីអាជីពជាអ្នកកីឡាកាស បុរសជនជាតិប្រេស៊ីលក៏ធ្លាប់ជាកីឡាករបាល់បោះជម្រើសជាតិមួយរូបផងដែរ។ លោកបានចូលនិវត្តពីសង្វៀន WWE នៅឆ្នាំ ២០១១ ហើយបើនិយាយដល់កម្ពស់គឺ ២,១៨ ម៉ែត្រ និងទម្ងន់ ១៧៥ គីឡូក្រាម។
២) Andre the Giant
ជាអតីតអ្នកកីឡាកាសជើងចាស់ ដែលបានទទួលមរណភាពនៅឆ្នាំ ១៩៩៣។ លោកបានហែលកាត់លើសង្វៀន WWE រយៈពេល ២៧ ឆ្នាំ ដោយលោកមានកម្ពស់ ២,២៤ ម៉ែត្រ និងទម្ងន់ ២៣៦ គីឡូក្រាម។
១) Jorge Gonzalez
នេះហើយជាអ្នកកីឡាកាសដែលមានកម្ពស់ខ្ពស់ជាងគេបង្អស់ ហើយក៏មិនសូវមានអ្នកស្គាល់នោះដែរ ព្រោះលោកបានចូលនិវត្តពីសង្វៀនតាំងពីឆ្នាំ ១៩៩៥។ បុរសជនជាតិអាហ្សង់ទីន ក៏ធ្លាប់ប៉ះគ្នាទល់ The Undertaker មួយលើកដែរកាលពីឆ្នាំ ១៩៩៣ ហើយកម្ពស់របស់គេគឺខ្ពស់ដល់ទៅ ២,៤៤ ម៉ែត្រ និងទម្ងន់ខ្លួន ២០៩ គីឡូក្រាម ប៉ុន្តែសោកស្តាយលោកបានទទួលមរណភាពកាលពីឆ្នាំ ២០១០ ដោយសារជំងឺទឹកនោមផ្អែមនិងបេះដូង៕
ប្រភព៖ Sportsgeeks