មានរបាយការណ៍ថាក្លឹប Real Madrid គិតគូរចង់លក់ចេញ Eden Hazard នៅទីផ្សារដោះដូរខាងមុខនេះហើយ បន្ទាប់ពីកីឡាករបែលហ្សិកមិនអាចបង្ហាញទម្រង់លេងល្អ ហើយចេះតែជួបបញ្ហារបួសជាញឹកញយ។
មួយផ្សេងទៀតដើម្បីចង់សម្រួលបន្ទុកចំណាយលើថ្លៃពលកម្មនិងប្រមូលលុយខ្លះទុកចរចានាំយកគោលដៅថ្មី Mbappe ឬ Haaland ផងនោះ បែបនេះការលក់ចេញ Hazard គឺជារឿងចាំបាច់ដែលក្លឹបត្រូវធ្វើ។
តាមការចុះផ្សាយពី Mundo Deportivo ក្រុមដឹកនាំដោយលោក Florentino Perez ដែលជាប្រធានក្លឹប បានគិតចង់លក់អតីតកីឡាករ Chelsea នៅតម្លៃខ្លួនត្រឹម ៤៣ លានផោនប៉ុណ្ណោះ ពោលគឺទាបជាងមុនទ្វេដង ដែលតម្លៃកាល Real ទិញនៅ ២ ឆ្នាំមុនគឺ ៨៩ លានផោន។
យើងមិនទាន់ទទួលបានដំណឹងច្បាស់នោះទេថាក្លឹបណាចង់បាន បុរសវ័យ ៣០ ឆ្នាំរូបនេះ។ ដោយកន្លងមកក៏ធ្លាប់លឺពាក្យថា Chelsea ចង់បានគេត្រលប់ទៅវិញដែរ៕ ប្រភព៖ SportBible