Cristiano Ronaldo បានចាត់ទុកការមិនផ្ដល់បាល់ចូលទីនៅយប់មិញនេះ ជាការប្រមាថ និងធ្វើឱ្យក្រុមជម្រើសជាតិព័រទុយហ្គាល់គ្រោះថ្នាក់ហើយ ចំពោះការសម្រេចចិត្តរបស់អាជ្ញាកណ្ដាលបែបនេះ។
ក្រុមបាល់ទាត់ជម្រើសជាតិព័រទុយហ្គាល់លេងបានត្រឹមស្មើជាមួយក្រុមសែបក្នុងលទ្ធផល ២-២ ប៉ុណ្ណោះសម្រាប់ការប្រកួតនៅយប់មិញនេះ។ ដោយនៅចុងម៉ោងទៅហើយ Ronaldo រកបាន១គ្រាប់បញ្ចូលទីដែរ តែអាជ្ញាកណ្ដាលបែរជាមិនផ្ដល់បាល់នោះទៅវិញ។ កត្ដានេះហើយ បានជាធ្វើឱ្យ Ronaldo ខឹងខ្លាំងមែនទែន រហូតដល់បោះស្លាកប្រធានក្រុមចេញពីដៃ និងដើរចេញពីទីលានទៅទៀត។
Ronaldo បាននិយាយថា៖ “បានក្លាយជាប្រធានក្រុមព័រទុយហ្គាល់ គឺជាការសម្រេចបំណងដ៏អស្ចារ្យបំផុតមួយក្នុងជីវិតរបស់ខ្ញុំ។ ខ្ញុំតែងតែបង្ហាញនិងផ្ដល់គ្រប់យ៉ាងសម្រាប់ប្រទេសរបស់ខ្ញុំ ហើយវានឹងមិនផ្លាស់ប្ដូរនោះទ។ ប៉ុន្តែមានពេលខ្លះវាពិបាកក្នុងការដោះស្រាយណាស់ ជាពិសេសនៅពេលយើងមានអារម្មណ៍ថាប្រជាជាតិទាំងមូលកំពុងរងគ្រោះថ្នាក់”៕
ប្រភព៖ Goal